Zabbuli 76:10 - Baibuli Ekibono kya Katonda 2014

¹⁰ Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Zabbuli 76:10 Iomraidhean Croise

Amainhama 50:20

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

Zabbuli 104:9

Wataagho ensalosalo ye gatateekwa kubitaku galobe kwiramu kabiri kughemba ku nsi.

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Zabbuli 65:7

Oikaikania okuwolomboka okw'enhandha, n'okuyira okw'amaadhi g'enhandha; era waikaikania okuwowoigana okw'abadheemu.

Zabbuli 82:8

Wo Katonda, situkiramu ofuge ensi yo, kuba amaghanga goonagoona gago.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Yoanne 19:22

Pilato yaabairamu ati: “Kye mpandiise nkighandiise.”

Ab'e Roma 9:17

Ebyaghandiikibwa bikoba Farao biti: “Nakufuula omukulu, mu iwe obukumu bwange bwolekebwe era eriina lyange limanhibwe mu nsi yoonayoona.”

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”