Zabbuli 74:7 - Baibuli Ekibono kya Katonda 2014

⁷ Eisinzizo lyo baalikumaku omuliro baalizikiriza, baayonoona ekifo kyo ekitukuvu abantu ghe bakusinziza.

Zabbuli 74:7 Iomraidhean Croise

1 Bakyabazinga 8:20

“Mpegaano Musengwa Katonda atuukiriiza kye yasuubiza, kuba nze nsikiire lata wange Daudi, n'atyama ku kityamo eky'obwakyabazinga bwa Isiraeli nga Musengwa Katonda bweyasuubiza. Era nzimbiire Musengwa Katonda wa Isiraeli oyo eisinzizo,

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

Zabbuli 89:39

Osaziizaamu endagaano yo n'omugheereza wo, n'engule ye waagifuuta mu itaka.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Isaia 64:11

Eisinzizo lyo eitukuvu eriboneka obulungi, badhaadha baife mwe baakusaakiranga, lyayokebwa omuliro. N'ebifo byaife byonabyona ebisanhusa, byafuuka bifulukwafulukwa.

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 2:2

Musengwa yazikiriza ebibuga eby'Abaisiraeli ng'aziramu kusaasira naire. Olw'obusungu yamenhamenha ebifo Abayudaaya mwe beewogomanga. Yaasuula obwakyabazinga n'abafuzi baamu ghansi.

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 7:24

ndireeta amaghanga agasingayo okuba amabi einho gaatwala endhu dhaimwe, dhaafuuka dha bantu baago. Ndinafuya abalwani baimwe ab'amaani, naaleetera amaghanga ago okwonoona ebifo byaimwe ebitukuvu.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.