Zabbuli 74:19 - Baibuli Ekibono kya Katonda 2014

¹⁹ Otalekulira bantu bo mu makono ga bazigu baibwe; oteerabira bulamu bwa bantu bo abadaazibwadaazibwa.

Zabbuli 74:19 Iomraidhean Croise

Zabbuli 10:12

Wo Musengwa Katonda, idha! Katonda wange, kozesa omukono gwo ogw'amaani. Oteerabira abo abadaazibwadaazibwa!

Zabbuli 68:10

Abantu bo baakolamu ebisulo, era olw'obulungi bwo waagha abaavu ebyetaago byaibwe.

Zabbuli 68:13

ogw'enjiibwa edhiriku feeza, ng'amaghagha gaadho gamesunkana ni zaabu, waire ng'abakazi abo baasigala nga beegisiisa bwa mu bigo bya ntaama.

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Zabbuli 9:18

Abanaku tibaja kwerabirwanga buliidho, waire abaavu okuweeramu irala eisuubi ebyanda n'ebyanda.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Olwembo 4:1

Ng'oboneka bulungi, iwe omugonzi wange! Bwenebwene oboneka bulungi. Amaiso go gali ng'oti ga njiibwa, nga gali mu kitambaala kyo kye weebwikiriire. Enviiri dho dhiikirira ku mutwe gwo ng'oti n'ekighaso eky'embuzi bwe kiikirira ku lusozi Gileadi.

Olwembo 6:9

nze omugonzi wange ali mulala yenka omulungi ng'oti njiibwa, era aziraku ghe yakyama naire. Oyo n'omwana omughala yenka ku inhina, era omugonzi einho ku inhina oyo. Abaghala boonaboona abamubonaku bamwesiimisa, ni bainhebantu n'abakazi ba kyabazinga abandi ab'embali boona bamusaaka.

Isaia 60:8

Ebyo biki ebiri kuseeyeeya ng'oti bire, era ebiri kuguluka ng'oti njiibwa edhiri kwira mu bisu byadho?

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.