Zabbuli 74:1 - Baibuli Ekibono kya Katonda 2014

¹ Wo Katonda, lwaki otuswire ere n'otwerabira ebyanda n'ebyanda? Lwaki otusungughaliire ife entaama dho dh'oyaya?

Zabbuli 74:1 Iomraidhean Croise

2 Bakyabazinga 21:14

Ndirekulira agho abantu bange abaliwonagho, naabaghaayo mu ngalo dh'abazigu baibwe, baabeegabula era baabafuula omunhago gwaibwe.

Zabbuli 10:1

Wo Musengwa Katonda, lwaki oba ghala otyo? Lwaki weegisa mu biseera ebizibu?

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 18:8

Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 42:9

Nze nkoba Katonda wange, oyo olubaale mwe neegisa, nti: “Lwaki oneerabiire? Lwaki ondekera abazigu okundiza amaziga nga bandaazadaaza?”

Zabbuli 44:9

Aye ate buti otusuuliriire era waatuleetera okuswala. Tokaaja na igye lyaife nga lija okulwana olutalo.

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Zabbuli 60:1

Wo Katonda waife, otuswire ere era waatutentena. Twakusungughaza aye twiriremu.

Zabbuli 60:10

Wo Katonda waife, mbo bwenebwene otusuuliire irala ere? Tooje na magye gaife kulwana?

Zabbuli 77:7

“Mbo Musengwa Katonda anaatusuula ere yaatwerabirira irala? Taliirayo kutusiima naire?

Zabbuli 77:8

Yalekera agho okutugonza? Ekisuubizo kye tikikaaligho?

Zabbuli 78:1

Bantu bange, mutege kutu muwulire bye mbeegeresa; mwetegereze kiisi kibono kye mbakoba.

Zabbuli 79:13

Olwo ife abantu bo, entaama dho dh'oyaya, twidha kukusiimanga ebyanda n'ebyanda, era tukusaakenga mu nse n'ense.

Zabbuli 79:5

Wo Musengwa Katonda, oja kutusungughalira kutuusa li? Byanda na byanda? Enkikidi y'oli nayo olw'abantu bo eneeyongera kwaka bwake ng'oti muliro?

Zabbuli 80:5

Mu kifo ky'emere otuleetera nnaku, mu kifo ky'amaadhi otugha kikopo kiidhuvu eky'amaziga.

Zabbuli 85:6

Totwizeemu maani buyaaka, ife abantu bo tusagambenga olw'ebyo by'otukolera?

Zabbuli 95:7

Oyo ni Katonda waife, ife tuli bantu be b'alabirira, era tuli ntaama dhe dh'ayaya. Kale ngoli ni olwaleero muwulira ky'akoba!

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Yeremia 23:1

Bakagwireku abakulembeze abo abasansaania abantu ba Musengwa Katonda ni babazikiriza.

Yeremia 31:37

Nga bwekitasoboka muntu kupima igulu ghaigulu eyo, waire okuja ni yeekebeedha emisingi egy'ensi eyo ghansi, era kityo bwekitasoboka Musengwa Katonda okulekulira agho Abaisiraeli, waire nga baakola ebibi kamaala. Musengwa Katonda mwene n'akobye.

Okulira 5:22

Obwo bwenebwene watusuulira irala ere nga toliirayo kutwiza y'oli? Okusungughala kwo tikuja kukoma?

Ezekieli 34:31

“Imwe muli ntaama dhange, entaama dhe ndhaya, ate nze naaba Katonda waimwe.” Musengwa Katonda atyo bw'akoba.

Ezekieli 34:8

Era nze Musengwa Katonda ndayira nti nga bwendi omulamu, mugwaine mute omwoyo ku bye ndi kubakoba. Entaama dhange dhaafuuka muyiigo era mere ya nsolo dha mu nsiko, olw'okubula omwayi. Abaayi be nadhitaaku baaloba okudhinoonia, aye baira bwa mu kweigusa beene nga tibadhirabirira naire.

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.