Zabbuli 73:6 - Baibuli Ekibono kya Katonda 2014

⁶ Kyova okwekuluntaza kwaibwe kuboneekerera ng'oti n'ebinhere eby'omu nkoto, n'ebikolwa byaibwe eby'obukambwe ni bibabwikirira ng'oti kivaalo.

Zabbuli 73:6 Iomraidhean Croise

Amainhama 41:42

Kyabazinga yaatoola ku lwala empeta ye eriku akamanhiso ak'obwakyabazinga, yaagivaaza Yosefu ku lwala. Yaamuvaaza ekivaalo ekighegheevu, era yaamuvaaza mu nkoto omukuufu ogwa zaabu.

Zabbuli 109:18

Okukolima abandi tikwamuvangaku ng'oti kivaalo, aye ebikolimo bye byene ka bimwirireku bimuboze omubiri ng'oti maadhi era bimungire bimutuuke ni mu magumba ng'oti muzigo.

Zabbuli 109:29

Abazigu bange bagwananga baanhoomebwa, baidhula ensoni edhitabavaaku ng'oti kivaalo.

Ensambo 1:9

kuba biwoomya empisa dho, ng'oti n'ekitambaala ekidholige eky'oku mutwe n'ebinhere eby'omu nkoto, bwe biwoomya abivaire.

Ensambo 3:31

Oteegombanga muntu akozesa bukambwe, era otasalangagho ku kujiira ku ngeri dhe.

Ensambo 4:17

Kuba okukola ebibi n'okukola ebikolwa eby'obukambwe, kwabafuukira ng'oti n'emere ye balya, era ng'oti n'omwenge gwe banhwa.

Omulangirizi 8:11

Olw'okuba ekibonerezo ekisalirwa omuntu akoze ekibi tibakigheeragho mangu, abantu kyebava beeyongerera irala okukola ebibi.

Olwembo 4:9

Mwanhinaze iwe omugole wange, ontwaliriiza omwoyo. Ontwaliriiza omwoyo olw'eriiso ly'oninzeeku, n'olw'ekinhere ekikuli mu nkoto.

Isaia 3:19

ni bye bavaala ku mikono, ni bye bavaala ku matu. Era alibatoolaku n'ebitambaala bye beeghemberera mu maiso,

Yeremia 48:11

Musengwa Katonda yaakoba ati: “Abantu b'omu Moabu buliidho babaire nga baba mu miraala, nga bazira kibeeraliikiriza, era nga tibatwalibwangaku mu bunhage. Bali ng'oti n'omwenge ogw'emizabbibu ogulekeibwa agho okulaala, nga ghazira agulengulula kugutoola mu nsugha eno kugufuka mu yindi. Akawoowo kaagwo nga tikakyukangaku era nga n'obuwoomi bwagwo tibukendeerangaku naire.

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Ezekieli 16:11

Nakuvaaza ebyamadholobera: ebikomo ku makono, n'ebinhere mu nkoto.

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

Abalamuzi 8:26

Empeta dhe yafuna dhaazitogha kilo kumpi amakumi abiri, nga tobaliireeku byamadholobera byakolebwa mu bifaananie ebiri ng'oti mwezi ogwakaboneka, n'ebinhere eby'omu nkoto, n'engoye dha nakasooma bakyabazinga ab'e Midia dhe baali nga bavaire, n'endhegere edhaali mu nkoto edh'engamiya dhaibwe.