Zabbuli 73:19 - Baibuli Ekibono kya Katonda 2014

¹⁹ Tibalwagho naire kuzikirira, kutemya na kuzibula, ng'entiisa ebeeyaagho.

Zabbuli 73:19 Iomraidhean Croise

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Yobu 18:11

Ebimutiisa bimuli ku buli luuyi, bimubingirira buli gh'atoola ekigere.

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Zabbuli 58:9

Katonda agwana yaabasaaniagho amangu geene, nga n'entamu ekaali kuwulira muliro gwa mawa, ka gabe amabisi oba agali kwaka.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Omulangirizi 9:12

kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Isaia 47:11

Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Okubala 16:21

“Mwesende muve mu bantu bano, mbazikirize amangu gano.”

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Okwolekebwa 18:10

Balyemerera ghalaku olw'okutya okudaagadaaga kwe, baakoba bati: “Okagwireku, okagwireku iwe Babiloni ekibuga ekikologho! Iwe ekibuga eky'amaani! Ozikiriziibwa mu saawa busaawa eti!”

1 Samueli 25:38

Bwe ghaabitagho enaku ng'oti ikumi, Musengwa Katonda yaakuba Nabali, yaafa.

1 Samueli 28:20

Amangu ago, Saulo yaagwa ghansi yeegolomola, ng'aidhwire okutya olw'ebyo Samueli bye yakoba. Yaaweeramu irala amaani, kuba yali nga taliire omusana gwonagwona n'obwire.