Zabbuli 72:6 - Baibuli Ekibono kya Katonda 2014

⁶ Abe wa mugaso ng'amaadhi agagwa ku bisimbe mu nimiro, agagwa okufukirira eitaka.

Zabbuli 72:6 Iomraidhean Croise

2 Samueli 23:4

ababonekera ng'oti n'akasana ak'oku nkyo, ak'endhuba evaayo ku lunaku oluziraku bire ku igulu aba ng'oti maadhi agaleetera eisubi okusibuka okuva mu itaka.

Zabbuli 65:10

Ofukirira obulime n'amaadhi amangi, waamulungula ebifunfugu, waagonza eitaka n'amaadhi amangi ago, ebirime byakula bukalamu.

Ensambo 16:15

Kyabazinga bw'aba omusangaavu abantu be balama, era ekivunika kye kiba ng'oti bire ebivaamu amaadhi ag'omutoigo.

Ensambo 19:12

Kyabazinga bw'asungughala aba ng'oti n'empologoma eri kuwologoma, aye ekivunika kye kiri ng'oti n'omusulo ogughegheeza ebisimbe ni birama.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Mika 5:6

Abo, nga bakozesa eby'okulwanisa byaibwe, baja kughangula ekiketezo ekyo Assiria, ensi ya Nimurodi, batuwonie Abassiria bwe baliba batabaire nsi yaife.

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.