Zabbuli 72:3 - Baibuli Ekibono kya Katonda 2014

³ Ensi eveemu amakungula amalungi, n'obutuufu bwo bweyoleke.

Zabbuli 72:3 Iomraidhean Croise

Zabbuli 65:12

Abantu bo eyo ye baayira ebyayo byaibwe, eisubi litoonha butoonhe. Buli kasozi kanhoonha okubona.

Zabbuli 72:16

Emere ebenga ya mwero mu byalo; ensozi dhoonadhoona dhiidhule misiri, ebibala byagyo bibe ng'oti n'ebibala eby'omu Lebanoni. Ebibuga biidhule abantu abangi ng'oti isubi.

Isaia 45:8

Iwe eigulu, toonhesa obutuufu buve ku igulu ng'oti maadhi, era ensi eyasame ebumire, bumerukemu eidembe n'amazima, bibe ku nsi. Nze Musengwa Katonda ninze ndidha okuleetera ekyo okubaagho.”

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Isaia 60:17

Ndikuleetera zaabu mu kifo eky'okukuleetera ekyuma eky'ekikomo, naakuleetera feeza mu kifo eky'okukuleetera ekyuma ekigumu einho; naakuleetera ekyuma eky'ekikomo mu kifo eky'okukuleetera omuti, era naakuleetera ekyuma ekigumu einho mu kifo eky'okukuleetera amabaale. Ndireetera abakulabirira okubanga ab'emiraala aghazira kukunhigiriza; era naaleetera abo abakusalira amakatala, baakukoleranga ebituufu.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.