Zabbuli 72:17 - Baibuli Ekibono kya Katonda 2014

¹⁷ Eriina lya kyabazinga liidhukirwenga ebyanda n'ebyanda. Obumanhifu bwe busigalegho ng'oti ndhuba. Abantu abamaghanga goonagoona bamwetenga wa nkabi, era basabenga Katonda okubafuula ab'enkabi oti ni kyabazinga oyo.

Zabbuli 72:17 Iomraidhean Croise

Amainhama 12:3

“Abo abakusabira enkabi, nnaabaghanga enkabi, aye abo abakukolimira zeena ndidhanga kubakolimira. Era mu iwe amaghanga goonagoona mwe galigheerwa enkabi.”

Amainhama 22:18

Mu baidhukulu bo, amaghanga goonagoona ag'oku nsi mwe galigheerwa enkabi, kuba ogondeire ekiragiro kyange.”

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

1 Ebyomubyanda 17:12

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

Zabbuli 21:7

Kyabazinga yeesiga Musengwa Katonda, era olw'okuba oyo Ali Ghaigulu Yeene amugonza inho, ghazira kimutengeesa naire.

Zabbuli 45:17

Mu lwembo lwange, abantu ab'ense n'ense baja kwidhukiranga obumanhifu bwo, olw'ekyo amaghanga gaja kukusaakanga ebyanda n'ebyanda.

Zabbuli 89:36

Olulyo lwe luja kubangagho ebyanda n'ebyanda, n'obwakyabazinga bwe bubeegho okutuusa endhuba bw'eriva ku nsi.

Okuvaayo 3:15

Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Luka 1:48

Yalingirira obunafu obw'omugheereza we; kuba bona, okuva n'olwaleero ense dhoonadhoona dhiidha kundhetanga wa nkabi,

Ebikolwa by'Abatume 3:16

Ate olw'okwikiriza, eriina lye kye liviire liwonia ono ye mubona era ye mwidhi. Okwikiriza oyo, n'okumughaire okuwonera irala nga mwenamwena bwe mubona.

Ab'e Galatia 3:14

Kurisito yakola atyo, olw'omukisa Katonda gwe yasuubiza Aburahamu gugheebwe n'abamaghanga agandi mu Kurisito Yesu, era olw'okwikiriza tusobole okufuna Mwoyo Katonda ye yasuubiza.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Ab'Efeso 3:14

Kyenva ni nkuba amakiryaivu mu maiso ga Lata,

Ab'e Filippi 2:10

Olwo kiisi kiri mu igulu, ni mu nsi, ni mu itaka, kikubire eriina lya Yesu amakiryaivu.

Ab'e Kolosai 1:3

Buli kaakyeire twebaza Katonda Lata wa Musengwa waife Yesu Kurisito nga tubasabira,

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”