Zabbuli 72:12 - Baibuli Ekibono kya Katonda 2014

¹² Kuba abeera omunaku ng'amuliriire, era yaayamba n'omwavu aziraku amugha.

Zabbuli 72:12 Iomraidhean Croise

2 Samueli 14:16

Aidha kuwulira kye nkoba, amponie nze oyo ayenda okutuzikiriza nze ni mutabane wange, tuve ku butaka bwaife obw'ensikirano Katonda bwe yatugha.’

Yobu 29:12

kuba nawonianga omwavu eyandiriranga okumuyamba n'oyo eyafiirwaku ise, azira amugema ku mukono.

Yobu 36:15

Aye Katonda ayegeresa abantu ng'abita mu kubadaazadaaza, era abaigula amaiso ng'abita mu nnaku ye baagaana.”

Zabbuli 10:17

Wo Musengwa Katonda, iwe owulirisa okusaba kw'abo abagonvu, era obagumya emyoyo.

Zabbuli 102:17

Aliwulira okusaba kw'abantu be abanaku, era yaawulirisa okweghemba kwaibwe.

Zabbuli 102:20

Yawulira okusinda okw'abasibe abali mu ikomera, yaasibula abo abaali balindiriire okwitibwa obwitibwe.

Zabbuli 55:17

Enkyo, n'omusana, n'eigulo, mmukobera ebiinuma, n'ebindeetera okusinda era aidha kumpulira.

Zabbuli 72:4

Kyabazinga asale mu butuufu ensonga edh'abaavu; ayambe abali mu bwetaavu, atyankirire abo abaniinirira abaghafu.

Ensambo 29:7

Omuntu akola ebituufu amanha omwavu by'agwaniire okukolerwa, aye omukozi w'ebibi tabifaaku naire.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Isaia 41:17

Abantu bange abaavu n'abali mu bwetaavu, bwe balinoonia amaadhi ni gababula, amamiro ni gatuuka n'okubakala olw'endiwo, nze Musengwa Katonda ndiiramu okusaba kwaibwe nze Katonda wa Isiraeli tiribalekulira agho.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Luka 7:22

Agho yaabairamu yaabakoba ati: “Muje mukobere Yoanne bye muboine ni bye muwuliire: abatulu bairamu kubona, abalema batambula, ab'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.