Zabbuli 71:7 - Baibuli Ekibono kya Katonda 2014

⁷ Mbairenga kya kuboneraku eri abantu kamaala, olw'okuba iwe oli mukuumi wange ow'amaani.

Zabbuli 71:7 Iomraidhean Croise

Zabbuli 61:3

kuba niiwe ye neesiga, oli ng'oti n'ekimante ekigumu ekikingiriza omuzigu.

Zabbuli 62:7

Katonda yenka n'amponia era yampa ekitiibwa; oyo n'omukuumi wange, ali ng'eibaale eikologho.

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Isaia 8:18

Bona eno, Musengwa Katonda oyo Afuga Amagye era atyama ku kityamo kye ku lusozi Sioni, yatutaagho nze n'abaana bange tube obumanhiso n'ebyamagero mu Isiraeli.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Zekaria 3:6

Agho malaika wa Musengwa Katonda yaagumya Yoshua ng'akoba ati

Zekaria 3:8

Kale ni, iwe Yoshua Omukulu wa Bakabona ghalala ni bakabona baino, muwulire kino: Niimwe akamanhiso ak'ebiseera ebirungi eyo ye bwidha. Era nja kubooleka omugheereza wange ayetebwa Olusaga!

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Ebikolwa by'Abatume 4:13

Bwe baabona obugumu bwa Petero ni Yoanne, nga bamaze okumanha bati baali bantu abataasoma era ababuliidho, beewuunhia inho era baabategeera bati baali baba ni Yesu.

1 Ab'e Korintho 4:9

Kimbonekera oti ife Abatume Katonda atughaire ekifo ekisembayo, okufaanana ng'oti n'abantu abasaliirwa ogw'okufa kuba tufuuse ekyerolerwa eri ensi, eri bamalaika era n'eri abantu.