Zabbuli 71:20 - Baibuli Ekibono kya Katonda 2014

²⁰ Wansidikira ebizibu kamaala n'okudaagadaaga, aye olindhiriza amaani gange kabiri; olintoola ghansi eyo abantu ye baja, wamponia okufa.

Zabbuli 71:20 Iomraidhean Croise

2 Samueli 12:11

Musengwa Katonda oyo era akoba ati, ‘Bona eno, ndidha kuleetera omuntu ow'omu ndhu yo mwene, akutuuseeku akabi. Ndidha kutoola bakazi bo ng'obona, mbaghe musaadha mwino, abe nabo mu buliri, omusana gwene.

Zabbuli 119:25

Neegolomoire agho ku itaka gampweire. Wo Musengwa Katonda, ndhizaamu amaani buyaaka nga bwe wansuubiza.

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 16:10

kuba tiwandekulira agho ni bantwala magombe, oba okuleka omwiru wo akutya okuja mu bafu.

Zabbuli 60:3

Abantu bo obaleeteire obuzibu obukalangufu; otughaire omwenge ogw'emizabbibu okunhwa, gwatugaaliisa ng'oti batamiivu.

Zabbuli 60:5

Ife b'ogonza tuwulirise otuwonie, otughe obughanguzi n'obuyinza bwo.

Zabbuli 80:18

Tituja kwirayo kudaaliima kukuleka; tughe obulamu twidha kukusaakanga.

Zabbuli 85:6

Totwizeemu maani buyaaka, ife abantu bo tusagambenga olw'ebyo by'otukolera?

Zabbuli 86:13

Kuba ongonza inho obutalekera era wamponia okwikirira e magombe.

Zabbuli 95:4

Oyo n'afuga ebiiko ebiri ku nsi n'ensozi endeeyiriri dhoona dhidhe.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 38:17

Bwenebwene okuba n'enaku enhingi nakufunamu omuganhulo; kuba iwe olw'okungonza einho wamponia amagombe agazikiriza, wansonigha ebibi byange byonabyona.

Yona 2:6

Nagwa eyo ensozi ye dhisimuka, endhigi ye dhiigalwa ni dhitaigulwa ebyanda n'ebyanda. Aye iwe Musengwa Katonda wange wantoolayo nga ndi mulamu.

Mariko 15:34

Ku saawa eyomwenda, Yesu yaayasiikana ati: “Eloi, Eloi, lama sabakitani?” Ekitegeeza kiti: “Katonda wange, Katonda wange lwaki ondekuliire agho?”

Ebikolwa by'Abatume 2:24

Aye oyo Katonda yamuzuukiza yaamutoola mu bulumi obw'okufa, nga tikisoboka oyo kusigala mu maani ga kufa

Ab'Efeso 4:9

Okukoba tuti, “yaniina”, kitegeeza ki? Kitegeeza kiti yasooka kwika ghansi mu nsi.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.

1 Samueli 2:6

Musengwa Katonda aita era yaizaagho obulamu; aserengesa omuntu ghansi e magombe, era yaamuzuukiza okuva e magombe.