Zabbuli 71:19 - Baibuli Ekibono kya Katonda 2014

¹⁹ Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Zabbuli 71:19 Iomraidhean Croise

Yobu 5:9

Oyo akola eby'amaani bye tutasobola kutegeera bukalamu, era n'ebyewuunhisa ebitabalika.

Zabbuli 139:6

Okuntegeera kwo okwaga agho kuneewuninkiriza, era kuswikiriire amagezi gange.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 36:7

Okugonza kwo okutakoma nga kwa mughendo inho! Oghambaatira abaana b'abantu ng'oti n'enkoko bw'eghambaatira obwana bwayo.

Zabbuli 57:10

Kuba okugonza kwo okutakoma kungi inho, kutuuka ni mu igulu; obwesigwa bwo butuuka mu bire.

Zabbuli 72:18

Musengwa Katonda asaakibwe, Katonda wa Isiraeli, ni yenka akola ebyewuunhisa.

Zabbuli 86:8

Mu bakatonda ab'amaghanga agandi boonaboona ghazira ali ng'oti niiwe, era ghazira akola biri ng'oti n'ebibyo by'okola.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Ensambo 15:24

Omuntu omugezi agema engira emutwala ghaigulu eri obulamu, awone okuja ghansi mu magombe.

Ensambo 24:7

Amagezi gaswikiriire inho okutegeera okw'omusiru, era azira ky'ayogera nga bali mu kifo eky'olwekobaano.

Isaia 40:18

Kale olwo Katonda tunaamugeza ku ani, oba kiki kye tunaamufaanania?

Isaia 40:25

Kale olwo Katonda oyo Omutukuvu tunaamugeza ku ani? Ghaligho omuntu ye tunaamufaanania?

Isaia 5:16

Aye Musengwa Katonda Afuga Amagye agulumizibwa ng'asalira abantu mu mazima, era ayoleka obutukuvu bwe ng'akolera abantu mu butuufu.

Isaia 55:9

Era ng'eigulu bwe liri ghaigulu einho okusinga ensi, n'engeri dhange dhityo bwe dhiri edha ghaigulu einho okusinga edhaimwe, n'ebidhuubo byange byaba bya ghaigulu inho okusinga ebyaimwe.

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Luka 1:49

olw'okuba ow'obukumu yankolera eby'amaani era eriina lye itukuvu.

Amateeka Agokubiri 3:24

‘Wo Musengwa Katonda waife, nze ndidhi nga waakatoolera butoolere okundholeka ebikologho n'ebyewuninkiriza by'oja okukola. Ezira katonda mu igulu oba mu nsi asobola okukola eby'amaani by'okoze.