Zabbuli 71:18 - Baibuli Ekibono kya Katonda 2014

¹⁸ Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Zabbuli 71:18 Iomraidhean Croise

Amainhama 27:1

Agho Isaaka bweyali ng'akairiighe, era ng'amaiso ge gaidhieku ekifu, nga takaaghanga kubona, yaayeta Esau mutabane we omukulu. Yaamukoba ati: “Mwana wange!” Yaavugira ati: “Ndi ghano.”

Zabbuli 22:31

era balikobera abo abaja okuzaalibwa, nga Musengwa Katonda bw'awonia abantu be.

Zabbuli 48:14

muti: “Katonda ono, ni Katonda waife ebyanda n'ebyanda. Ono n'aidha okutukulemberangamu ebyanda n'ebyanda.”

Zabbuli 71:9

Ni bwendikairigha otansuula ere; otandekulira agho ng'ate amaani gampweire.

Zabbuli 78:4

Tituja kubigisa baana baife, tuja kukobera abo ab'oluse olwidha, eby'amaani Musengwa Katonda bye yakola ebimuleetera okusaakibwa, n'ebyewuunhisa bye yakola.

Zabbuli 78:6

Olwo kiisi luse olwiragho, n'abaana abakaali kuzaalibwa, basobole okubimanha era boona babikobere abaana baibwe.

Okuvaayo 13:8

Ku lunaku olwo olw'ekibinuko, mwidha kwinhonholanga abaana baimwe muti, ‘Tulukuza olw'ebyo Musengwa Katonda bye yatukolera lwe twava mu Misiri.’

Isaia 46:4

Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

1 Samueli 4:15

Eli yali agheziiza emyaka kyenda na munaana (98) egy'obukulu, era ng'ekifu kyamugema ku maiso, takaabona bukalamu.

1 Samueli 4:18

Ole bwe yayogera ku ky'Esanduuku ey'Endagaano ya Katonda, Eli yaaghanuka ku kityamo kye, yaagwa kya mugongo kumpi n'omulyango. Olw'okuba yali mukaire era nga munene, bwe yagwa yaamenheka enkoto era yaafa. Yali amaze entangama ya myaka amakumi ana ng'akulembera Isiraeli.