Zabbuli 71:14 - Baibuli Ekibono kya Katonda 2014

¹⁴ Aye nze ndidha kusuubirira mu iwe buliidho; ndidha kweyongeranga okukusaaka obutalekera.

Zabbuli 71:14 Iomraidhean Croise

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Zabbuli 130:7

Imwe Abaisiraeli, mwesigenga Musengwa Katonda, kuba abagonza obutalekera era buliidho mwetegefu okubanunula.

Zabbuli 43:5

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 71:6

Mu kuva mu nda mbairenga neesiga iwe; niiwe owantoola mu nda ya maama. Buli kaakyeire ndidha kukusaakanga.

Okulira 3:21

Aye eriyo kye ndidhukira nairamu eisuubi:

Okulira 3:24

Nkiidhi bukalamu mu mwoyo gwange nti Musengwa ye neesiga ku nsi. Olw'ekyo eisuubi lyange liri mu oyo.

Okulira 3:25

Musengwa mulungi eri abo abamwesiga, mulungi eri omwoyo ogufaayo okukola by'ayenda.

Okulira 3:26

Kale kiba kikalamu ole yaasirika, yaateegerera obulokozi obuva eri Musengwa Katonda.

Ab'e Filippi 1:9

Era mbasabira okugonza kwaimwe kuje nga kweyongera, era mube n'amagezi n'okumanha kwonakwona.

1 Ab'e Thessalonika 4:10

Era kino kye mubaire mukola, nga mugonza aboluganda boonaboona abali mu Makedonia mwonamwona. Aye era aboluganda, tubeeghembye mweyongere bweyongere.

Abaheburayi 10:35

Kale mutasuula ere kumwesiga kwaimwe, kuba kulimu empeera nnene.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 3:3

Oyo yeenayeena ali n'okusuubira kuno mu Kurisito yeetukuza oti ni Kurisito mwene bw'ali omutukuvu.