Zabbuli 7:9 - Baibuli Ekibono kya Katonda 2014

⁹ Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Zabbuli 7:9 Iomraidhean Croise

Amainhama 20:5

Aburahamu mwene ti n'eyankobye ati oyo mwanhina? Era ni Sara mwene yeena tiyankobye ati Aburahamu mwanhina? Ekyo nakikoze mu mwoyo mulungi era nziraku musango.”

1 Bakyabazinga 8:32

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Zabbuli 10:15

Toolagho amaani g'omukozi w'ebibi n'omwonooni. Ja ng'omutondolamu okwonoona kwe, okutuusa lw'olikumumalamu.

Zabbuli 10:18

Tega kutu owulirise bamulekwa n'abatuntuzibwa, obasalire omusango mu butuufu basinge, olwo ghabule omuntu yeenayeena ku nsi atiisatiisa obulamu bwa baine.

Zabbuli 11:5

Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

Zabbuli 139:1

Wo Musengwa Katonda, waneekalirisa era wantegeera.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Zabbuli 18:21

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

Zabbuli 26:2

Wo Musengwa Katonda, neekebeedha era ondebe; lingirira omwoyo gwange n'ebidhuubo byange,

Zabbuli 35:23

Situkiramu onwanirire, yemereragho ompolezeegho niiwe Katonda wange era Musengwa Katonda wange!

Zabbuli 37:23

Musengwa Katonda alabirira obulamu bw'omuntu, era oyo akola Musengwa Katonda by'ayenda, Musengwa Katonda amukuuma.

Zabbuli 40:2

Yaanhinhulula mu lwina olw'okufa, yantoola mu bitosi eby'olutente, yaanhemereza ku lubaale, naatambula nga ndi mugumu.

Zabbuli 43:1

Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Zabbuli 58:6

Wo Katonda wange, bamenhemu amaino mu kanwa. Wo Musengwa Katonda, igha mu mpologoma edho ento amaino amasongero.

Zabbuli 9:9

Musengwa Katonda n'obulumukiro bw'abo abazira bwogerero, era n'obubudamo mu biseera ebizibu.

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Yeremia 11:20

Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 20:12

Wo Musengwa Katonda Afuga Amagye, iwe oleba abantu mu mazima waabona bye balowooza mu myoyo gyaibwe. Kale leka nteege mbone nga bw'onaaneesasulizaagho ku bantu abo; kuba ensonga dhange ndhandhwire mu maiso go.

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.