Zabbuli 7:6 - Baibuli Ekibono kya Katonda 2014

⁶ Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Zabbuli 7:6 Iomraidhean Croise

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

Zabbuli 103:6

Musengwa Katonda asalagho mu butuufu, yaaleetera n'abazira bwogereso okusinga omusango, baakolerwa ebituufu bye bagwaniire.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 143:3

Abazigu bange baamingirira bantuukaku, bankuba bantentena era banta mu nzikiiza bansibira omwo, naaba ng'oti ni bale abaafa eira.

Zabbuli 3:7

Wo Musengwa Katonda, idha omponie, iwe Katonda wange! Abazigu bange boonaboona bakube empi ku matama, omulungule amaino g'aboonooni abo.

Zabbuli 35:1

Wo Musengwa Katonda, balumbe abo abaanumbagana, balwanise abo abaanwanisa.

Zabbuli 35:23

Situkiramu onwanirire, yemereragho ompolezeegho niiwe Katonda wange era Musengwa Katonda wange!

Zabbuli 44:23

Wo Musengwa Katonda, zuuka! Lwaki otenduka? Situka! Otatusuula ere n'otwerabirira irala!

Zabbuli 44:26

Situka oidhe otubeere! Tulokole olw'okuba otugonza obutalekera.

Zabbuli 59:5

Iwe Musengwa Katonda Afuga Amagye, niiwe Katonda wa Isiraeli. Situka obonereze abantu abatakutya; otasaasira waire mulala ku abo abakudheemera ni bakola ebibi.

Zabbuli 73:20

Ng'ekirooto bwe kyerabirwa ng'omuntu asitwike, n'iwe Musengwa Katonda weena otyo bw'obeerabira amangu, ng'otooleire okukola ebibyo.

Zabbuli 74:3

Tambula mu kyanhe aghaali eisinzizo, abazigu baife lye baazikiriza ni lisaanagho n'ebyalimu.

Zabbuli 78:65

Agho Musengwa Katonda yaazuuka ng'oti n'ava mu ndoolo, era ng'oti n'omuntu ow'amaani asuuyiriire olw'okunhwa omwenge ogw'emizabbibu.

Isaia 3:13

Musengwa Katonda asitwike yaidha okulumiriza abantu be, yeetegeike okubasalira omusango.

Isaia 33:10

Musengwa Katonda akoba amaghanga ati: “Mpegaano ndidha kusituka, ndholeke obuyinza bwange n'amaani gange.

Isaia 37:20

Wo Musengwa Katonda waife, mpegaano ni tukweghembye tuwonie, otutoole mu ngalo edh'Abassiria. Olwo abantu abamaghanga agandi boonaboona basobole okumanha nga iwe, Musengwa Katonda, niiwe Katonda wenka.”

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.