Zabbuli 69:3 - Baibuli Ekibono kya Katonda 2014

³ Mpoiremu olw'okulira nga nkweta, amamiro gansaakaala. Amaiso tikaaghanga na kumoga, olw'okuteegerera Katonda wange okumbeera.

Zabbuli 69:3 Iomraidhean Croise

Yobu 11:20

Aye ababi baidha kumagamaganga, babulwe obulumukiro. Eisuubi lyaibwe liri mu kufa.”

Yobu 16:16

Amaiso gaamyuse olw'okulira, era ganzimbye gaidhaku ekifu.

Zabbuli 119:123

Nkooye okukanula amaiso nga nteegerera iwe okundokola, otuukirize ekyo kye wasuubiza.

Zabbuli 119:82

Nkooye okukanula amaiso nga nteegerera kye wansuubiza, era mbuuza nti: “Oliidha li okumbeera?”

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Zabbuli 22:2

Wo Katonda wange, ndira omusana gwonagwona, aye waaloba kundhiramu; naalira n'obwire aye naaloba kufuna kuwoleeraku naire.

Zabbuli 25:21

Wo Musengwa Katonda, nkusaba obwesigwa n'obutuukirivu binkuumenga, kuba eisuubi lyange liri mu iwe.

Zabbuli 39:7

Wo Musengwa Katonda, nze nzira kindi kyonakyona kye neesiga, mu iwe mwe nsuubirira.

Zabbuli 40:3

Yandeetera okumwembera olwembo oluyaaka, olwembo olw'okusaaka Katonda waife. Abantu kamaala balibona kino baatya, era baata obwesige bwaibwe mu Musengwa Katonda.

Zabbuli 6:6

Ndi munafu mwene olw'okusula nga nsinda. Obwire bukya ng'obuliri bwange buboze olw'okulira, n'akaito ke neeziziike kaatoonha amaziga.

Zabbuli 69:21

Endhala bwe yaanuma, mu kifo eky'okumpa emere enkalamu, bampa eri ng'oti butwa; endiwo yaanuma bampa omwenge endoota.

Zabbuli 88:7

Ekiruyi kyo kinzitooghereire, era kyambuutikira ng'oti n'amaadhi ag'enhandha ageekuluumulula.

Isaia 38:14

Nabanga agho nga nsinda ng'oti nhonhi. Amaiso ganduyirira olw'okulingiriranga eigulu. Wo Musengwa Katonda, idha omponie obuzibu bwe ndimu.

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.

Yoanne 19:28

Ebyo bwe byawa, Yesu ng'akiidhi bukalamu ng'ebintu byonabyona biwoire, era olw'okwenda okutuukiriza Ebyaghandiikibwa yaakoba ati: “Mpulira endiwo.”

Amateeka Agokubiri 28:32

Batabane baimwe ni baghala baimwe ndidha kubagabiranga abamaghanga agandi nga mubona. Buli lunaku munaakandanga kumoga nga mwenda baire, aye nga muzira kye musobola kukolagho.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.