Zabbuli 69:29 - Baibuli Ekibono kya Katonda 2014

²⁹ Aye nze ndi kudaazibwadaazibwa era ndi mu bulumi. Wo Katonda wange mponia, onkuumire ghe batantuukiraku.

Zabbuli 69:29 Iomraidhean Croise

Zabbuli 109:22

Nze ndi mughafu era omwavu, ndi n'enaku nnene ku mwoyo.

Zabbuli 109:31

kuba aba ku luuyi lw'omwavu, yaamuwonia abo abamusalira ogw'okufa.

Zabbuli 18:48

yamponia abazigu bange. Bwenebwene ombeedie, abo abaanumbagana baasigala ghansi; omponiiza abo abakola eby'obukambwe.

Zabbuli 20:1

Musengwa Katonda awulire okusaba kwo mu bizibu byo, iwe kyabazinga. Katonda oyo owa Yakobo akuwonie abazigu.

Zabbuli 40:17

Aye nze waire ndi munaku era omwavu, Musengwa Katonda taneerabira. Wo Katonda wange, niiwe ombeera era ontoola mu bizibu, yangughaku ombeere!

Zabbuli 59:1

Wo Katonda wange, mponia abazigu bange, nkuuma abaanumba balobe kuntuukaku.

Zabbuli 70:5

Aye nze ndi munaku era omwavu. Wo Musengwa Katonda, niiwe ombeera era n'ontoola mu bizibu, yangughaku ombeere!

Okuvaayo 32:33

Aye Musengwa Katonda yaamwiramu ati: “Eriina ly'oyo ansobiiza n'akola ekibi, lye ndidha okusasa mu kitabo kyange.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.