Zabbuli 69:21 - Baibuli Ekibono kya Katonda 2014

²¹ Endhala bwe yaanuma, mu kifo eky'okumpa emere enkalamu, bampa eri ng'oti butwa; endiwo yaanuma bampa omwenge endoota.

Zabbuli 69:21 Iomraidhean Croise

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Yeremia 23:15

“Agho ni, nze Musengwa Katonda Afuga Amagye, nkoba abalanzi b'omu Yerusalemu nti: ‘Mubone eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe; kuba baleeteire abantu boonaboona mu nsi eno obutatya Katonda.’

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Yeremia 9:15

N'olw'ekyo, nze Musengwa Katonda Afuga Amagye, Katonda wa Isiraeli, kyenva ni nkoba nti: Bona eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe.

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Matayo 27:34

Agho baamugha omwenge ogw'emizabbibu okunhwa nga gutabwirwamu ekintu ekikaagha era bwe yakombaku yaaloba kugunhwa.

Matayo 27:48

Era mangu ago owundi yaalumuka yaatoola ekyangu yaakiinhika mu mwenge ogw'emizabbibu endoota, era yaakita ku lugada yaamugha anhwe.

Mariko 15:23

Baamugha omwenge ogw'emizabbibu okunhwa gutabwirwamu mirra, aye nga tayenda.

Mariko 15:36

Ghaabaagho omuntu mulala, yaalumuka yainhika ekyangu mu mwenge ogw'emizabbibu ogw'endoota, yaakita ku lugada, yaamugha anhwe nga bw'akoba ati: “Muleke tubone oba nga Eliya anaidha yaamughanula ku musalaba!”

Luka 23:36

Abaisirukale boona baatuuka baamudherega baamugha omwenge ogw'emizabbibu endoota.

Amateeka Agokubiri 29:18

Mwekuumenga ghalobe kubaagho musaadha oba mukazi, oba maka, oba kika, mu bali ghano olwaleero, akyusa mwoyo gwe n'ava ku Musengwa Katonda waife, n'asinza bakatonda b'amaghanga gandi. Okukola ekyo kuba ng'oti n'omuzi ogusibuka ku kimera ekikaagha era eky'obutwa.