Zabbuli 68:5 - Baibuli Ekibono kya Katonda 2014

⁵ Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 68:5 Iomraidhean Croise

2 Ebyomubyanda 30:27

Agho bakabona n'Abalevi baasituka, baasabira abantu enkabi. Katonda yaawulira amamiro gaibwe, yaasiima okusaba kwaibwe mu kifo kye ekitukuvu y'aba mu igulu.

2 Ebyomubyanda 6:2

Mpegaano nze nkuzimbiire eisinzizo ery'ekitiibwa, ekifo mw'onaabanga enaku dhoonadhoona.”

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 10:18

Tega kutu owulirise bamulekwa n'abatuntuzibwa, obasalire omusango mu butuufu basinge, olwo ghabule omuntu yeenayeena ku nsi atiisatiisa obulamu bwa baine.

Zabbuli 118:19

Mundhiguliregho emiryango egy'eisinzizo, egibitamu abantu ba Katonda abatuufu, nhingire nje neebaze Musengwa Katonda.

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Zabbuli 150:6

Buli kintu kyonakyona ekiri n'obulamu ka kisaake Musengwa Katonda. Mwenamwena musaake Musengwa Katonda!

Zabbuli 33:14

Ng'ali ku kityamo kye eky'obwakyabazinga, alingirira abantu boonaboona ababa ku nsi.

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Zabbuli 72:4

Kyabazinga asale mu butuufu ensonga edh'abaavu; ayambe abali mu bwetaavu, atyankirire abo abaniinirira abaghafu.

Okuvaayo 3:15

Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Yeremia 49:11

Muleke bamulekwa baimwe, nze ndidha kubalabirira. Ni banamwandu baimwe beesige nze.

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Ab'Efeso 5:1

Agho ni, nga bwe muli abaana ba Katonda abagonzi, mugezengaku okumufaanana mu bikolwa.

Amateeka Agokubiri 10:18

Asala mu butuufu ensonga dha bamulekwa ni banamwandu. Yaagonza abasenze abali mu imwe, yaabagha eby'okulya n'eby'okuvaala.

Amateeka Agokubiri 26:15

linga ghansi ng'oli mu igulu mu kifo kyo ekitukuvu, owe enkabi abantu bo Abaisiraeli, era owe enkabi n'ensi engimu era erimu ebirungi kamaala y'otughaire, nga bwe wasuubiza badhaadha baife.’