Zabbuli 68:4 - Baibuli Ekibono kya Katonda 2014

⁴ Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Zabbuli 68:4 Iomraidhean Croise

Zabbuli 104:3

Oba eyo ghaigulu ku maadhi, waavuga ebire ng'oti n'ekigaali kyo eky'omu lutalo, waajiira ku maghagha ag'empewo.

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 18:10

Yaika ng'ali ku kitonde ekiri n'amaghagha ekyetebwa kerubi, era nga kiri kuguluka naye, yaaziinhuukira mu mpewo.

Zabbuli 5:12

kuba abagondera ebiragiro byo iwe Musengwa Katonda, obagha enkabi, era okugonza kwo kubawonia ebizibu ng'oti n'engabo.

Zabbuli 66:2

Mwembe enhembo edhooleka ekitiisa ky'eriina lye; musaake ekitiisa kye.

Zabbuli 66:4

Abantu boonaboona ku nsi bakusinza; bakwembera enhembo edhikusaaka nga basaaka eriina lyo.”

Zabbuli 67:4

Imwe amaghanga mwenamwena musangaale era mwembe olw'eisanhu, kuba Katonda asalira abantu emisango ng'aziramu kyekubira, era yaafuga amaghanga goonagoona ag'oku nsi.

Zabbuli 68:33

oyo aseeyeeya ku igulu, eigulu eryaligho okuva eira n'eira. Wulira bw'akaabuka n'amamiro ag'amaani.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Zabbuli 97:11

Obutangaavu bwakira abatuufu, n'eisanhu lyaidhira abo abagondera ebiragiro bya Katonda.

Okuvaayo 3:14

Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Ensambo 10:28

Abatuufu bye basuubira bituukirira baasangaala, aye ababi bye beesumba tibabifuna naire.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 62:10

Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Amateeka Agokubiri 33:26

Imwe Abaisiraeli, ezira katonda ali ng'oti ni Katonda waife, aseeyeeya ku igulu mu bire ng'ali mu kitiisa eky'obwakyabazinga, n'aidha okubabeera.