Zabbuli 68:2 - Baibuli Ekibono kya Katonda 2014

² Ng'empewo bw'efuuwa omwosi ni guvaagho, weena otyo bw'obe obafuumuule embiro baje. Ng'omuzigo bwe gusaanuuka nga guli gha muliro, n'ababi boona batyo bwe babe bazikirire, baweegho mu maiso ga Katonda.

Zabbuli 68:2 Iomraidhean Croise

2 Samueli 10:13

Kale Yoabu ni be yali nabo baaja okulumba Abasiria, Abasiria baabalumuka.

2 Samueli 10:18

Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo lusanvu, n'ab'oku mbalaasi emitwalo ena (40,000). Era baafumita Shobaki omuduumizi ow'eigye ly'Abasiria, yaafiira mu lutalo.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Zabbuli 37:20

Aye ababi baja kufa; abazigu ba Musengwa Katonda abo baja kuwaagho mangu ng'oti munhiriro gwa isubi, era ng'oti n'omwosi bwegubulagho.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Zabbuli 80:16

Abazigu baife baagutema baagutaaku n'omuliro; bagwananga baazikirira ng'obalingiriire okubasalira omusango.

Zabbuli 97:5

Ensozi dhisaanuuka ng'oti muzigo aghaba Musengwa Katonda, oyo Musengwa Katonda afuga ensi yoonayoona.

Isaia 33:3

Bw'osituka okutulwanirira, amaghanga gasansaana gaalumuka okuwowoigana kw'olutalo.

Isaia 64:2

ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Isaia 9:18

Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Yeremia 46:15

Lwaki Apisi katonda waimwe ow'amaani yagwa? Lwa kuba Musengwa Katonda yamukuba yaamugwisa ghansi.’

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Mika 1:4

Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.

Okubala 10:35

Buli lwe baatooleranga okutambuza Esanduuku ey'Endagaano, nga Musa akoba ati: “Wo Musengwa Katonda, situkiramu osansaanie abazigu bo, era abo abakukyagha ka bakulumuke.”