Zabbuli 64:9 - Baibuli Ekibono kya Katonda 2014

⁹ Olwo abantu boonaboona baja kutya, baghaye ku ebyo Katonda bye yakola, era bisigale ku myoyo gyaibwe nga babidhuuba.

Zabbuli 64:9 Iomraidhean Croise

Zabbuli 119:20

Omwoyo gunsiriira olw'okwegomba einho okumanha buli kiseera ensala yo entuufu.

Zabbuli 140:10

Omuliro ogw'amanda ka gubamagalikeku gubasiriize, basuulibwe mu biina eyo ye batasobola kuva.

Zabbuli 40:3

Yandeetera okumwembera olwembo oluyaaka, olwembo olw'okusaaka Katonda waife. Abantu kamaala balibona kino baatya, era baata obwesige bwaibwe mu Musengwa Katonda.

Zabbuli 53:5

Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Zabbuli 58:11

Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Zabbuli 59:13

bazikirize mu busungu bwo; bazikirize bagheekereregho irala. Abantu boonaboona bakimanhe nga Katonda n'afuga mu Isiraeli, n'okutuukira irala ensi y'ekoma.

Isaia 5:12

Ebibinuko byaibwe bibaaku endingidi, entongooli, obugoma n'endere, era n'omwenge gw'emizabbibu. Aye tibalowooza ku ebyo Musengwa Katonda by'akola, waire okubifaaku naire.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 51:10

Musengwa Katonda akoba ati: “Imwe abantu bange, mukube emizira mukobe muti, ‘Musengwa Katonda ayoleike nga tuziraku musango. Mukole tuje tukobere abali mu Yerusalemu, Musengwa Katonda waife by'akoze.’ ”

Ezekieli 14:23

Olwo mulimanha nga nali mutuufu okukola ebyo bye nakola mu Yerusalemu.” Musengwa Katonda atyo bw'akoba.

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Okwolekebwa 11:13

Mu kaseera ako keene, ghaabaagho musisi ow'amaani. Ekitundu kirala ku bitundu eikumi eby'ekibuga kyazikirira, n'abantu kasanvu (7,000) baafiira mu musisi oyo. Abantu abaawonagho baatya inho, era baasaaka ekitiisa kya Katonda ow'eigulu.