Zabbuli 64:6 - Baibuli Ekibono kya Katonda 2014

⁶ Naani asobola okwiguka mu butemo buno? Tukozeisa amagezi kamaala okuyiiya entegeka eno.” Ebiri mu mwoyo gw'omuntu era n'ebyo by'alowooza, kizibu okubitegeera.

Zabbuli 64:6 Iomraidhean Croise

Amainhama 39:15

Bw'awuliire nga nkubye enduulu, yandekera ekivaalo kye, yaalumuka yaafuluma ku luya.”

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Zabbuli 35:11

Abadhulizi abaguya basituka bampaama ebintu bye ntaidhiiku naire.

Zabbuli 49:11

Amagombe gaibwe n'amaka gaibwe ebyanda n'ebyanda, ense n'ense dhaabitagho nga bali eyo, waire nga baaliku n'amataka agaibwe ku bwaibwe.

Zabbuli 5:9

Mu minwa gy'abazigu bange timuva kya mazima naire, mu myoyo gyaibwe benda bwa kuzikiriza. Ebibono byaibwe magombe geene, enimi dhaibwe badhoogeza bya buguya.

Ensambo 20:5

Omuntu by'alowooza biba ng'oti maadhi agaba mu nsulo endeeyi, aye omuntu ali n'okutetenkania aghanga okugasenayo.

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Matayo 26:59

Bakabona Abakulu, n'embuga yoonayoona, baanoonia obudhulizi obw'okusubaayiriza ku Yesu, kwe babe basinziire okumwita.

Yoanne 19:7

Abayudaaya baamwiramu bati: “Ife tuli n'eiteeka era olw'eiteeka eryo agwaine okufa kuba yeefuula okuba Omwana wa Katonda.”

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

1 Samueli 22:9

Agho Doegi Omuedomu, eyali nga yeena ayemereire agho ni bagheereza baine aba Saulo, yairamu ati: “Nabona mutabane wa Yesse oyo ng'aidhie e Nobu ye Ahimeleki mutabane wa Ahitubu.

1 Samueli 24:9

Agho Daudi yaakoba Saulo ati: “Lwaki ojiira ku bibono by'abo abakoba bati nze nhenda okukukola akabi?

1 Samueli 25:10

Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.