Zabbuli 64:4 - Baibuli Ekibono kya Katonda 2014

⁴ Beeteega baazinduukiriza omuntu aziraku musango, baamulasa mangu nga bazira ni kye batya.

Zabbuli 64:4 Iomraidhean Croise

2 Samueli 15:14

Agho Daudi yaakoba abagheereza be boonaboona be yali nabo e Yerusalemu ati: “Musitukiremu mukole tulumuke, tiikulwa nga tubulwa engeri ey'okuwonamu Abusalomu. Mwangughe tuveegho, atatwagaana n'atukolaku kabi, n'aita na bantu ba mu kibuga boonaboona.”

Nehemia 4:11

Abazigu baife beekobaana bati: “Tibaidha kumanha era tibaidha kubona, okutuusa bwe tunaabatuukamu ni tubaita, ni tulekeza omulimo ogw'okuzimba okuja mu maiso.”

Zabbuli 11:2

kuba abakozi b'ebibi baghese obulaso bwaibwe, baata obusaale ku bugugha, era baalasa mu nzikiiza abo abagondera ebiragiro bya Katonda?

Zabbuli 55:19

Katonda oyo Kyabazinga ow'eira, aidha kumpulira era abaghangule; kuba tibamutya era tibaganha kukyuka.

Zabbuli 55:22

Ebizibu byo birekere Musengwa Katonda, aidha kukukuuma. Taleka bantu bakola bituufu kughangulwa.

Zabbuli 57:5

Wo Katonda wange, yoleka obukulu bwo bubonebwe ghaigulu okusinga eigulu, era n'ekitiisa kyo kimaamire ensi yoonayoona.

Zabbuli 64:7

Aye Katonda aja kubalasa akalaso ke, era amangu ago geene baja kulumizibwa.

Habakkuku 3:14

Wafumita omuduumizi ow'abalwani be n'obulaso, ku lule lwe baidha okutusansaania nga bali ng'oti ni kiwunga ow'amaani, nga beesuuta ng'oti n'abaja okutuntuza abaavu aghazira kubakobaku naire.

Yoanne 19:6

Bakabona Abakulu n'abakuumi bwe baamubona baayasiikana bati: “Mukomerere ku musalaba! Mukomerere ku musalaba!” Pilato yaabakoba ati: “Imwe mumutwale mumukomerere ku musalaba, kuba nze tibona musango gw'aiziiza.”

1 Samueli 18:11

Agho Saulo oyo yaakonhoogerera Daudi eifumo emikuzi ebiri ng'akoba mule ati: “Ka mmufumite eifumo limutunge ni ku kimante.” Aye Daudi yaalyewoma ku mikuzi egyo gyombi.

1 Samueli 19:10

Saulo oyo yaayenda okufumita Daudi eifumo limutunge ni ku kimante, aye Daudi yaalyewoma lyafumita bwa kimante. Daudi yaalumuka yaabulagho.