Zabbuli 64:3 - Baibuli Ekibono kya Katonda 2014

³ Bakozesa enimi dhaibwe ng'oti mpiima, baakozesa ebibono ebikambwe ng'oti bulaso bwa busagwa.

Zabbuli 64:3 Iomraidhean Croise

Zabbuli 11:2

kuba abakozi b'ebibi baghese obulaso bwaibwe, baata obusaale ku bugugha, era baalasa mu nzikiiza abo abagondera ebiragiro bya Katonda?

Zabbuli 141:9

Nkuuma ndobe kugwa ku mutego gwe banteze, era omponie ndobe kugwa mu lutuula olw'abakozi b'ebibi abo.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 58:7

Leka babulegho ng'oti n'amaadhi agakuuluula; batyankirire babe ng'oti isubi baniale.

Ensambo 12:18

Omuntu ayogera nga tasoose kulowooza, ebibono bye bifumita ng'oti mpiima, aye ebibono ebyogerwa n'amagezi biwonia.

Ensambo 30:14

Abandi bakambwe inho, nga bali n'amaino ng'oti mpiima dheene, era ng'oti biso byene. Banhunhunta abaavu n'abaghafu kwenda bwa kubamaliriragho ku nsi.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”