Zabbuli 61:7 - Baibuli Ekibono kya Katonda 2014

⁷ abeegho mu maiso ga Katonda nga kyabazinga ebyanda n'ebyanda. Era olw'obwesigwa bwo mukuumenga ng'omugonza obutalekera.

Zabbuli 61:7 Iomraidhean Croise

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

2 Samueli 7:26

Oidha kubanga mukologho ebyanda n'ebyanda, abantu bakwogerengaku bati, ‘Musengwa Katonda Afuga Amagye oyo, ni Katonda wa Isiraeli.’ Era nkweghemba okuumenga ab'endhu yange nze omugheereza wo Daudi.

Zabbuli 21:5

Ekitiisa kye kikologho olw'obuyambi bwo; wamugha okumanhikana einho n'okufuga.

Zabbuli 40:11

Wo Musengwa Katonda, otalekera kunsaasiranga, nkuumanga buliidho olw'okugonza kwo okutakoma n'olw'obwesigwa bwo.

Zabbuli 41:12

Ndidhi nga toidha kubaganha kunsuula, kuba nkola by'oyenda. Era oidha kunkuumira gh'oli ebyanda n'ebyanda.

Zabbuli 43:3

Nsindikira obutangaavu bwo n'amazima go, bindholeke engira, bindeete ku lusozi lwo olutukuvu, ni mu isinzizo lyo mw'oba.

Zabbuli 57:3

Aidha kutuma amaani okuva mu igulu okwidha okumponia. Abo abankiriga aidha kubaswaza. Katonda aidha kundholeka nga bw'angonza obutalekera era nga bw'ali omwesigwa.

Ensambo 20:28

Kyabazinga ow'ekivunika era akolera ku mazima aghangaalira ku bufuzi, era olw'okugonza kwe asigala ng'akaali ku kityamo kye eky'obwakyabazinga.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Luka 1:33

Alifuga ekika kya Yakobo ebyanda n'ebyanda, era Obwakyabazinga bwe tibulikoma.”

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.