Zabbuli 61:4 - Baibuli Ekibono kya Katonda 2014

⁴ Leka mbenga mu isinzizo lyo lubeerera; mpambaatira ng'enkoko bw'eghambaatira obwana bwayo.

Zabbuli 61:4 Iomraidhean Croise

Zabbuli 15:1

Wo Musengwa Katonda, naani agwaine okuba mu isinzizo lyo? Naani agwaine okukusinza ku lusozi lwo olutukuvu Sioni?

Zabbuli 17:8

Nkuuma ng'oti mboni ya liiso lyo; mpambaatira ng'oti n'enkoko bw'ekola obwana bwayo.

Zabbuli 23:6

Bwenebwene olw'okungonza kwo n'olw'okunsaasira kwo, oidha kubanga ghalala ninze, enaku dhoonadhoona edh'obulamu bwange. Era nga nkaagheeragho tija kuvanga mu ndhu ya Musengwa Katonda.

Zabbuli 27:4

Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 61:7

abeegho mu maiso ga Katonda nga kyabazinga ebyanda n'ebyanda. Era olw'obwesigwa bwo mukuumenga ng'omugonza obutalekera.

Zabbuli 62:7

Katonda yenka n'amponia era yampa ekitiibwa; oyo n'omukuumi wange, ali ng'eibaale eikologho.

Zabbuli 63:7

kuba buli kaakyeire niiwe ombeera. Bwemba mu ngalo dho nhemba olw'eisanhu.

Zabbuli 90:1

Wo Musengwa Katonda, okuva eira n'eira niiwe otukuuma.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Zabbuli 91:4

Aidha kukughembaku n'amaghagha ge ghabulenga ekikutuukaku, akukuumenga olw'obwesigwa bwe ng'akulwanirira.

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Okwolekebwa 3:12

Oyo aghangula, ndimufuula empango mu isinzizo lya Katonda wange era talirivaamu. Ndimughandiikaku eriina lya Katonda wange, n'eriina ly'ekibuga kya Katonda wange Yerusalemu ekiyaaka ekiika nga kiva mu igulu ewa Katonda wange. Era ndimughandiikaku eriina lyange eiyaaka.

Ruthi 2:12

Nsaba Musengwa Katonda akughe ebirungi olw'ebyo bye wakola Musengwa Katonda oyo owa Isiraeli ye waidha okwewogomamu.”