Zabbuli 60:6 - Baibuli Ekibono kya Katonda 2014

⁶ Katonda yayogerera mu kifo kye ekitukuvu ati: “Mu kusagamba okw'obughanguzi, ndidha kwawuzayawuza mu Shekemu, era ngabaniegabaniemu ekikonko eky'e Sukkothi mu bantu bange.

Zabbuli 60:6 Iomraidhean Croise

Amainhama 12:6

Aburamu yaaja ng'atambula mu nsi eyo, yaatuuka ku muti gwa More mu kifo ekitukuvu e Shekemu. Mu biseera ebyo Abakanaani nga n'abali mu nsi eyo.

2 Samueli 3:18

Kale mpegaano ekyo mukituukirize, kuba Musengwa Katonda yasuubiza Daudi ati, ‘Ndidha kukozesa omugheereza wange Daudi okununula abantu bange Abaisiraeli mu ngalo edh'Abafilisiti, ni mu ngalo edh'abazigu baibwe abandi boonaboona.’ ”

Zabbuli 119:162

Nsagamba inho olw'ebyo bye wasuubiza, naaba ng'oti n'ole agwire mu by'obukombe kamaala.

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 56:4

Iwe Katonda wange nkusaaka olw'ebyo by'onsuubiza, era nkwesiga nga nzira kintiisa. Omuntu obuntu katyo asobola kunkola ki?

Zabbuli 89:19

Wabonekera abagheereza bo abeesigwa mu biseera eby'eira, waabakoba oti: “Ntaire omukono gwange ku mulwani ow'amaani okumubeera; ngulumiiza oyo ye nalonda mu bantu.

Zabbuli 89:35

Mu butukuvu bwange neeyamye omukuzi mulala guti nga gumala: tija kusubagha Daudi naire.

Yeremia 23:9

Omwoyo gumpoiremu, zeenazeena ndi kudhugumira budhugumire, ku lwa Musengwa Katonda, ni ku lw'ebibono bye ebitukuvu. Ndi ng'oti n'omuntu atamiire, omuntu abitiriiza okunhwa omwenge.

Amosi 4:2

Musengwa Katonda alayiire mu butukuvu bwe ati: “Ekiseera kiidha kutuuka abantu babatunge ku malobo, babaghaluudhanie ng'oti n'ebyenhandha bwebabighaluza mu maadhi mwenamwena muja kuba ng'oti n'ebyenhandha ebiri ku malobo.

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Yoshua 13:27

Era kyatwalizaamu ebibuga bino ebyali mu kiiko ekirimu Yorudani: Bethiharamu, Bethinimura, Sukkothi, ni Zafoni ekiketezo kino n'ekyafiikagho ku bwali obwakyabazinga bwa Sihoni eyali kyabazinga ow'e Heshiboni. Era omwiga Yorudani nga n'ogukola ensalosalo yaibwe ey'e bugwandhuba okutuukira irala ku Nhandha Galilaaya ku luuyi olw'omukono omugooda ng'olingiriire olw'e buvandhuba.

Yoshua 17:7

Ekiketezo ekyagheebwa Abamanasse nga kiva e Ashera kyatuuka e Mikamethathi e buvandhuba wa Shekemu. Olwo ensalosalo yaaja ku luuyi olw'omukono omusaadha olw'e buvandhuba, yaazingiramu abantu ab'e Entappua.

Yoshua 20:7

Kale e bugwandhuba wa Yorudani baalondayo Kedeshi eky'e Galilaaya, mu kiketezo eky'ensozi ekya Nafutali ate mu kiketezo eky'ensozi ekya Efuraimu baalondayo Shekemu. Mu kiketezo eky'ensozi ekya Yuda baalondayo Kiriathi Araba, ekyo nga ni Heburoni.

Yoshua 24:1

Agho Yoshua yaayeta ebika eby'Abaisiraeli byonabyona byesololeza e Shekemu. Yaaja ng'ayeta abakulu ab'ebika, abakulu ab'ebikunsu, n'abakulembeze mu Isiraeli, baidha baayemerera aghali Esanduuku ey'Endagaano ya Musengwa Katonda.

Yoshua 24:32

Amagumba ga Yosefu, Abaisiraeli ge baidha nago okuva e Misiri, baagaziika e Shekemu mu itaka Yakobo lye yagula ku batabane ba Hamori lata wa Shekemu. Eitaka eryo yaligula ebitundu bya feeza kikumi, era lyafuuka obutaka obwa baidhukulu ba Yosefu.