Zabbuli 60:1 - Baibuli Ekibono kya Katonda 2014

¹ Wo Katonda waife, otuswire ere era waatutentena. Twakusungughaza aye twiriremu.

Zabbuli 60:1 Iomraidhean Croise

2 Samueli 10:16

Kyabazinga Hadadezeri yaatumisa Abasiria abaali ere ng'osomoike omwiga Eufurate, baidha e Helamu nga Shobaki omuduumizi ow'eigye lya Hadadezeri n'ali kubakulembera.

2 Samueli 5:20

Agho Daudi yaidha e Baali Perazimu, yaaghangulirayo Abafilisiti. Yaakoba ati: “Musengwa Katonda aneesooseeyo emberi yaaghaguza mu bazigu ng'oti n'omwidhuzo ogw'amaadhi bwe gughaguza ghe gubita.” Kale kyova ekifo ekyo bakyeta Baali Perazimu.

2 Samueli 8:14

Agho yaata enkambi edh'abalwani mu Edomu mwonamwona, Abaedomu boonaboona baafuuka bagheereza be. Musengwa Katonda yaaghanga Daudi obughanguzi yoonayoona ye yajanga.

2 Samueli 8:3

Bwe yamala yaaghangula kyabazinga w'e Zoba ng'ayetebwa Hadadezeri mutabane wa Rehobu. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

2 Bakyabazinga 14:7

Amazia yaitiramu Kiiko ky'Omuunhu abaisirukale Abaedomu omutwalo mulala (10,000), yaanhaga ekibuga Sela mu lutalo, yaakituuma eriina Yokitheeli, lye bakaakyeta ni ye buli eno.

1 Ebyomubyanda 18:3

Bwe yamala yaaghangula ni kyabazinga Hadadezeri ow'e Zoba, ekiri okumpi n'e Hamathi. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 25:11

Amazia yaasiba omwoyo, yaakulembera eigye lye, yaaja mu Kiiko ky'Omuunhu, yaitirayo abaisirukale Abaedomu omutwalo mulamba (10,000).

Zabbuli 108:11

Wo Katonda, mbo bwenebwene otusuuliire irala ere? Tooje na magye gaife kulwana?

Zabbuli 44:9

Aye ate buti otusuuliriire era waatuleetera okuswala. Tokaaja na igye lyaife nga lija okulwana olutalo.

Zabbuli 59:1

Wo Katonda wange, mponia abazigu bange, nkuuma abaanumba balobe kuntuukaku.

Zabbuli 59:11

Wo Katonda wange, otabaita, kuba tiikulwa ng'abantu bange beerabira. Aye kozesa obukumu bwo obasansaanie era obasuule ghansi, iwe Musengwa Katonda engabo yaife.

Zabbuli 60:10

Wo Katonda waife, mbo bwenebwene otusuuliire irala ere? Tooje na magye gaife kulwana?

Zabbuli 74:1

Wo Katonda, lwaki otuswire ere n'otwerabira ebyanda n'ebyanda? Lwaki otusungughaliire ife entaama dho dh'oyaya?

Zabbuli 79:5

Wo Musengwa Katonda, oja kutusungughalira kutuusa li? Byanda na byanda? Enkikidi y'oli nayo olw'abantu bo eneeyongera kwaka bwake ng'oti muliro?

Zabbuli 79:9

Wo Katonda waife omuzaawuzi, tubeere ku lw'ekitiisa eky'eriina lyo, otuwonie era otusonighe ebibi byaife, ku lw'obulungi obw'eriina lyo.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 80:3

Wo Katonda waife, twirizeegho ensi yaife nga bwe yali. Tulingeku n'amaiso ag'ekisa era otulokole.

Zabbuli 85:4

Wo Katonda iwe omulokozi waife, iramu okutugonza olekere agho okutusungughalira.

Zabbuli 89:19

Wabonekera abagheereza bo abeesigwa mu biseera eby'eira, waabakoba oti: “Ntaire omukono gwange ku mulwani ow'amaani okumubeera; ngulumiiza oyo ye nalonda mu bantu.

Zabbuli 89:3

Wakoba oti: “Nakola endagaano ni Daudi ye neerondera; era naasuubiza omugheereza wange oyo nti,

Zabbuli 89:38

Aye kabiri mpegaano iwe Musengwa Katonda oswire ere omuntu ye wasiiga omuzigo era tokaamulaadha; oidhwire ekiruyi ku muntu ye walonda.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Zabbuli 90:13

Wo Musengwa Katonda, oja kusungughala kutuusa li? Twiriremu ife abagheereza bo otusaasire.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

1 Samueli 13:11

Samueli yaakoba ati: “Okoze ki kino?” Saulo yairamu ati: “Naboine ng'abantu bali kusansaana nga banvaaku, ate nga iwe toidhiire mu nnaku dhe wakoba, n'Abafilisiti nga beesoloiza e Mikamashi.

1 Samueli 4:17

Ole eyaleeta amawulire yaamwiramu ati: “Abaisiraeli balumwike Abafilisiti, era Abaisiraeli kamaala inho babaise. Batabane bo bombi, Hofuni ni Finehasi, babaise, n'Esanduuku y'Endagaano ya Katonda baginhaze.”