Zabbuli 6:2 - Baibuli Ekibono kya Katonda 2014

² Wo Musengwa Katonda, idha ondhune, gampweire, mponia ebiinuma, nsigaire magumba meereere.

Zabbuli 6:2 Iomraidhean Croise

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

Yobu 19:21

Munsaasire, munsaasire imwe bakagwa bange, kuba Katonda ankubye.

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Zabbuli 30:2

Wo Musengwa Katonda wange, nakulirira okumbeera, era wamponia.

Zabbuli 31:10

Obulamu bwange buseeneine olw'enaku n'emyaka gyange gyakendeera olw'okusinda. Amaani gampwamu olw'ebiinuma ku mwoyo, n'amagumba gaanafugha.

Zabbuli 32:3

Bwe nali nkaali kwatula bibi bye nakolanga nagoogomba, kuba nawologomanga olunaku lwonalwona.

Zabbuli 38:2

Onfumiite n'obulaso bwo era wankuba n'omukono gwo.

Zabbuli 38:3

Ku mubiri gwange kuzira ghalamu olw'obusungu bwo; ni ku magumba gange kuzira iramu olw'ebibi byange.

Zabbuli 38:7

Mpulira okwokerera mu nkende, era ku mubiri gwange kuzira ghalamu.

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Yeremia 10:24

Lamba abantu bo balongooke empisa, aye otabakayukira inho, oba okubabonereza mu busungu; kuba agho oba otusaaniagho busaanie.

Yeremia 17:14

Wo Musengwa Katonda, nkweghemba omponie, ndidha kuwonera irala; era nkusaba ondokole, ndidha kulokolebwa irala, kuba niiwe ye nsaaka.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Okubala 12:13

Agho Musa yaasaba Musengwa Katonda ati: “Wo Katonda wange, nkweghembye muwonie.”

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.