Zabbuli 59:9 - Baibuli Ekibono kya Katonda 2014

⁹ Niiwe amaani gange, niiwe ye ningiriireku, kuba iwe Katonda wange, niiwe ye neesiga.

Zabbuli 59:9 Iomraidhean Croise

Zabbuli 2:4

Musengwa Katonda ali ku kityamo kye eky'obwakyabazinga mu igulu, abasekerera era anhooma entegeka dhaibwe edh'ekidoofu.

Zabbuli 20:1

Musengwa Katonda awulire okusaba kwo mu bizibu byo, iwe kyabazinga. Katonda oyo owa Yakobo akuwonie abazigu.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 46:1

Katonda n'omukuumi waife, era oyo n'amaani gaife, buliidho abaagho era nga mwetegefu okutubeera nga tuli mu buzibu.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 59:17

Niiwe amaani gange, niiwe ye ningiriireku, kuba iwe Katonda wange, niiwe ye neesiga, Katonda angonza obutalekera.

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 9:9

Musengwa Katonda n'obulumukiro bw'abo abazira bwogerero, era n'obubudamo mu biseera ebizibu.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 58:14

olwo mulifuna eisanhu eriva mu kumpeereza nze Musengwa Katonda. Ndireetera abantu b'ensi dhoonadhoona okubatangamu imwe ekinhagansi, era imwe ndibagha ensi ye nagha dhaadha waimwe Yakobo, yaaba butaka bwaimwe. Nze Musengwa Katonda, ninze nkobye.”

Habakkuku 3:19

Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

Matayo 6:13

Totutwala mu kulebwa, aye tulokole mu bubi.’