Zabbuli 59:16 - Baibuli Ekibono kya Katonda 2014

¹⁶ Aye nze ndidha kwembanga nga nsaaka amaani go; buli nkyo ndidha kwemberanga ghaigulu okugonza kwo okutakoma, kuba buliidho niiwe obairenga obubudamo bwange, era niiwe obairenga obulumukiro mu biseera ebizibu.

Zabbuli 59:16 Iomraidhean Croise

2 Samueli 22:3

Musengwa Katonda ni Katonda wange, n'olubaale lwe numukiramu okwewonia, era n'engabo mwe neewoma; n'omulwanirizi wange amponia byonabyona. Musengwa Katonda n'obulumukiro bwange, era n'ekifo kyange eky'okwewogomamu, oyo n'amponia abakambwe.

Yobu 15:23

Atambula eyo atyo ng'anoonia k'anaalya, nga yeebuuza y'anaakaagaana. Aidhi ati olunaku olw'enzikiiza lumukyereire.

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Zabbuli 101:1

Ka nhembe ku bwesigwa ni ku nsala ey'amazima nga nhembera iwe Musengwa Katonda.

Zabbuli 106:8

Aye era yabawonia okuzikirira ku lw'obulungi obw'eriina lye, asobole okwoleka obuyinza bwe obungi.

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 143:8

Nkusaba buli nkyo ondholekenga nga bw'ongonza obutalekera, kuba niiwe ye neesiga. Ngalagira bwe mbe neebise, kuba niiwe ye nsaba.

Zabbuli 145:11

Baidha kughayanga ku kitiisa eky'obwakyabazinga bwo, bakoberenga abantu nga bw'oli ow'obukumu,

Zabbuli 21:13

Wo Musengwa Katonda, ogulumizibwenga buliidho olw'amaani go. Ife tunaayembanga era twakusaakanga olw'obukumu bwo.

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 31:7

Ndidha kusangaalanga era nsagambenga olw'okugonza kwo okutakoma; kuba obona okudaazibwadaazibwa kwange, era ofaayo ku bizibu byange.

Zabbuli 36:5

Aye iwe Musengwa Katonda okugonza tikukoma era kugungumavu okutuuka mu igulu, ate obwesigwa bwo butuuka mu bire.

Zabbuli 4:1

Katonda wange, iwe aidhi obutuufu bwange ndi kukweta otansiriikirira. Bwe nali ghagati mu buzibu, wanteewuluza. Idha ondhune, owulirise okusaba kwange.

Zabbuli 46:1

Katonda n'omukuumi waife, era oyo n'amaani gaife, buliidho abaagho era nga mwetegefu okutubeera nga tuli mu buzibu.

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Zabbuli 77:2

Bwemba mu bizibu nsaba Musengwa Katonda; obwire bwonabwona mpanika amakono gange nga tiwulira na kuluyirira, aye naabulwa ansaasiraku.

Zabbuli 86:13

Kuba ongonza inho obutalekera era wamponia okwikirira e magombe.

Zabbuli 88:13

Wo Musengwa Katonda, aye nze nkulirira, era buli nkyo nkusaba.

Zabbuli 89:1

Wo Musengwa Katonda, ndidha kwembanga okugonza kwo okutakoma ebyanda n'ebyanda era ndidha kukoberanga abantu ab'ense n'ense nga bw'oli omwesigwa.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Ab'e Roma 15:9

era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti: “Kale ni nnaakwebazanga mu bamaghanga agandi; nnaayemba nga nsaaka eriina lyo.”

2 Ab'e Korintho 1:10

Oyo eyatuwonia mu kabi akanene akaaga agho ak'okufa era n'alituwonia, era oyo ye tusuubira okutuwonia kabiri.

Ab'Efeso 3:20

Katonda oyo asobola okukola ebisinga n'ebyo bye tusaba, oba ebyo bye tutegeera, olw'amaani ge agakolera mu ife,

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”