Zabbuli 57:1 - Baibuli Ekibono kya Katonda 2014

¹ Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 57:1 Iomraidhean Croise

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 13:5

Aye nze nkwesiga olw'okungonza einho, mu mwoyo gwange nsagamba kuba ndidhi ng'oidha kumponia.

Zabbuli 142:1

Ndirira Musengwa Katonda aidhe ambeere; era mmweghemba awulire okusaba kwange.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 36:7

Okugonza kwo okutakoma nga kwa mughendo inho! Oghambaatira abaana b'abantu ng'oti n'enkoko bw'eghambaatira obwana bwayo.

Zabbuli 56:1

Wo Katonda wange nsaasira, kuba abantu baanumba; buli kiseera abazigu bange bankiriga.

Zabbuli 58:1

Imwe abafuzi, mugha ensala y'emisango entuufu? Timusaliriza bwemusalira abantu emisango?

Zabbuli 59:1

Wo Katonda wange, mponia abazigu bange, nkuuma abaanumba balobe kuntuukaku.

Zabbuli 61:4

Leka mbenga mu isinzizo lyo lubeerera; mpambaatira ng'enkoko bw'eghambaatira obwana bwayo.

Zabbuli 63:7

kuba buli kaakyeire niiwe ombeera. Bwemba mu ngalo dho nhemba olw'eisanhu.

Zabbuli 75:1

Wo Katonda waife, tusiimye inho, tusiimiire irala! Tusaaka eriina lyo nga tuloodha ebyewuunhisa kamaala by'okola.

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Zabbuli 91:4

Aidha kukughembaku n'amaghagha ge ghabulenga ekikutuukaku, akukuumenga olw'obwesigwa bwe ng'akulwanirira.

Zabbuli 91:9

Olw'okuba iwe weesize Musengwa Katonda, era waatwala oyo Ali Ghaigulu Yeene okuba omukuumi wo,

Isaia 10:25

kuba akaseera kasigaireyo katono inho, ndekere agho okubabonereza imwe, obusungu bwange mbwolekeze beene, mbazikirize.

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!

Yoanne 16:20

Bwenebwene ka mbakobere, mulirira, mwagegenga, aye ensi erisagamba; muliwulira enaku, aye enaku yaimwe erifuuka eisanhu.

Amateeka Agokubiri 9:26

Neeghemba Musengwa Katonda nga nkoba nti, ‘Wo Musengwa Katonda waife, otazikiriza bantu bo ababo ku bubwo, be wanunula n'obuyinza bwo, era be watoola mu Misiri n'amaani go agataloodheka.

Okwolekebwa 21:4

Alibeeya amaziga goonagoona mu maiso. Ghaliba tighakaali kufa, kugegenga oba kulira, oba obulumi. Kuba olwo eby'eira biriba nga byawaagho.”

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.

Ruthi 2:12

Nsaba Musengwa Katonda akughe ebirungi olw'ebyo bye wakola Musengwa Katonda oyo owa Isiraeli ye waidha okwewogomamu.”

1 Samueli 22:1

Agho Daudi yaava mu kibuga ky'e Gathi, yaalumukira mu mpuku y'e Adullamu. Baganda be n'ab'endhu ya ise bwe baakiwulira, baaja eyo ye yali.

1 Samueli 24:3

Agho Saulo yatuuka ku mpuku eyali okumpi n'ebisibo by'entaama ku ngira, yaingira omwo okweyamba. Mu kiseera ekyo, Daudi n'abasaadha be, baali batyaime mu bitundu eby'omunda einho eby'empuku eyo.

1 Samueli 24:4

Abasaadha ba Daudi baakoba Daudi bati: “Luno n'olunaku Musengwa Katonda lwe yakukoba ati, ‘Bona eno, nja kukuta omuzigu wo mu ngalo. Olimukola kyonakyona ky'olyenda.’ ” Agho Daudi yaasituka, yeibirira, yaaja yaasala akatundu k'eigemo ku kanzu ya Saulo.

1 Samueli 24:8

Nga ghabiseeghooku akaseera, Daudi yeena yaafuluma mu mpuku, yaayeta Saulo ati: “Isebantu kyabazinga!” Saulo yaalinga einhuma. Daudi yaakuba amakiryaivu era yaakutama n'ekyeni kyatuuka ku itaka.

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”