Zabbuli 56:9 - Baibuli Ekibono kya Katonda 2014

⁹ Ku lunaku lwe ndikusaba, oliiririzaayo abazigu bange einhuma; kuba ndidhi nti oli ku luuyi lwange.

Zabbuli 56:9 Iomraidhean Croise

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

Zabbuli 102:2

Bwembanga mu buzibu otandekuliranga bw'agho. Wuliranga kye nkoba, oyangughengaku okumbeera nga nkwese.

Zabbuli 118:6

Musengwa Katonda n'omubeezi wange, ghazira kye nsobola kutya. Omuntu obuntu katyo asobola kunkola ki?

Zabbuli 27:2

Abakozi ab'ebibi bwebaanumba nga bali ng'oti benda kundya bulye, beene abo abazigu bange baja kugangalima ere bagwe.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 9:3

Bw'obonekaku abazigu bange bakyusa baalumuka, baagangalima baafa.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Yoanne 18:6

Yesu bwe yabakoba ati: “Ninze,” beesenda baagwa ghansi.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?