Zabbuli 54:1 - Baibuli Ekibono kya Katonda 2014

¹ Wo Katonda wange, ndokola olw'obuyinza bwo, era omponie abo abampaghabira.

Zabbuli 54:1 Iomraidhean Croise

2 Ebyomubyanda 20:6

Yaasaba ati: “Wo Musengwa Katonda, Katonda wa badhaadha baife, iwe oba eyo mu igulu waafuga obwakyabazinga obw'amaghanga goonagoona. Oli n'obuyinza n'amaani, era ghazira asobola kukutakania.

Zabbuli 20:1

Musengwa Katonda awulire okusaba kwo mu bizibu byo, iwe kyabazinga. Katonda oyo owa Yakobo akuwonie abazigu.

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Zabbuli 48:10

Okuva ensi y'eva okutuuka y'ekoma, abantu boonaboona bakwidhi era bakusaaka. Obufuzi bwo buziramu kwekubira.

Zabbuli 79:9

Wo Katonda waife omuzaawuzi, tubeere ku lw'ekitiisa eky'eriina lyo, otuwonie era otusonighe ebibi byaife, ku lw'obulungi obw'eriina lyo.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Ensambo 23:11

kuba Musengwa Katonda Omununuzi waibwe w'amaani, era alibawolezagho omusango gwaibwe n'iwe.

Isaia 30:27

Bona ere, obuyinza n'ekitiisa kya Musengwa Katonda biri kwidha, waire nga bikaali ghalaku. Omwosi ghalala n'omuliro, byoleka obusungu bwe obubitirivu. Bw'ayogera, ebyo by'ayogeire byokya ng'oti bwa muliro gwene oguzikiriza.

Yeremia 50:34

Aye Omununuzi waibwe wa maani. Eriina lye ayetebwa Musengwa Katonda Afuga Amagye. Oyo n'alibalwanirira mwene, yaaleeta emiraala ku nsi, aye mu Babilonia yaaleetamu bizibu byereere.”

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 10:21

“Omuntu alighaayo muganda we okwitibwa ate omuzaire yaaghaayo omwana we, n'abaana balidheemera abazaire era baabaita.

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

1 Samueli 26:1

Abantu ab'e Zifu baidha baakobera Saulo e Gibea bati: “Daudi yeegisiisa ku lusozi Hakila, oluli e buvandhuba wa Yeshimoni.”