Zabbuli 53:5 - Baibuli Ekibono kya Katonda 2014

⁵ Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Zabbuli 53:5 Iomraidhean Croise

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Zabbuli 14:5

Aye ni, baidha kuba mu kutya okw'amaani, kuba abatuufu Katonda b'afaaku.

Zabbuli 141:7

N'amagumba gaibwe galisuulibwa agho ku munwa ogw'amagombe, ng'oti n'olubaale, lwe bamenhiemenhie, ni baluleka agho ku itaka.

Zabbuli 2:4

Musengwa Katonda ali ku kityamo kye eky'obwakyabazinga mu igulu, abasekerera era anhooma entegeka dhaibwe edh'ekidoofu.

Zabbuli 35:26

Abo abasagamba ng'ebizibu bingwireku, batabule emitwe era obaswaze. Abo abaneekulumbalizaaku baswakize irala era banhoomebwe.

Zabbuli 35:4

Abo abayiiga obulamu bwange baswaze era banhoomebwe! Era oyemereze abo ababaire baidha n'entegeka ey'okuunumba, obairirizeeyo nga n'okutegeera tibategeera.

Zabbuli 40:14

Abo abenda okundhita, baswaze era basoberwe. Abo abenda okuunumya, bairirizeeyo era banhoomebwe.

Zabbuli 73:20

Ng'ekirooto bwe kyerabirwa ng'omuntu asitwike, n'iwe Musengwa Katonda weena otyo bw'obeerabira amangu, ng'otooleire okukola ebibyo.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Yeremia 49:15

Musengwa Katonda oyo yakwesoomera iwe Edomu ati, alikufuula omunafu asembayo mu maghanga goonagoona, era buli muntu alikunhooma.

Yeremia 6:30

Baidha kwetebwanga biseedha bya feeza, kuba nze Musengwa Katonda mbalekuliire agho.”

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.

Ezekieli 6:5

Ndibunga emirambo egy'Abaisiraeli mu maiso ag'ebisinzibwa byaibwe ebitali Katonda, era naasansaania amagumba gaibwe okwezunguluza alutaari dhaibwe.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abalevi 26:36

“Abo ku imwe abanaabanga nga batwaliibwa mu bunhage mu nsi y'abazigu baimwe, nnaabaleetangamu okutya, nga n'eikaba obukaba erifuuyibwa empewo bwe baliwulira balumuka. Banaalumukanga ng'oti ni be bali kubingirira mu lutalo, era banaagwanga nga ghazira n'ali kubabinga.

1 Samueli 14:15

Abafilisiti abaali mu kifo we baasimba weema dhaibwe, n'abaali mu nimiro, era n'abandi boonaboona, baadhugumira olw'okutya. Abalwani abaali mu nkambi, n'abo abaajanga okunhaga, baadhugumira. Ensi yaatengeeta, buli ghantu ghaidhula ensisi ey'amaani.