Zabbuli 53:2 - Baibuli Ekibono kya Katonda 2014

² Katonda aba mu igulu yaalingirira ghansi, okubona oba nga mu bantu mulimu alimu amagezi, asinza Katonda.

Zabbuli 53:2 Iomraidhean Croise

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 102:19

bati: yali ghaigulu eyo mu kifo kye ekitukuvu yaalinga ghansi, Musengwa Katonda oyo yaba mu igulu yaalinga ghansi ku nsi.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Zabbuli 27:8

Wankoba oti: “Idha onsinze.” Mpegaano nze nkoba nti: “Musengwa Katonda, ndidhie okukusinza

Isaia 55:6

Munoonie Musengwa Katonda nga mukaasobola okumubona gh'ali, mumusabe ng'akaabali kumpi.

Yeremia 16:17

Buli kye bakola nkibona, ghazira kye basobola kungisa. Buli kibi kye bakola nkibona bukalamu.

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Amateeka Agokubiri 4:6

Mubikuumenga era mubituukirizenga, kuba ekyo n'ekinaayolekanga abantu abamaghanga agandi nga bwe muli n'amagezi n'okutegeera. Bwe banaawuliranga amateeka ago goonagoona, baidha kukobanga bati, ‘Bwenebwene eighanga lino eikologho, lya bantu bagezi era abategeevu!’