Zabbuli 53:1 - Baibuli Ekibono kya Katonda 2014

¹ Abasiru bakoba mu myoyo gyaibwe bati: “Katonda azirayo.” Baidhwire obukupya, era bakola ebyenhinhasa; boonaboona bakola bikyamu byereere.

Zabbuli 53:1 Iomraidhean Croise

1 Bakyabazinga 12:26

Yaakoba mule ati: “Obwakyabazinga bwidha kabiri kwirira ab'endhu ya Daudi,

1 Bakyabazinga 14:24

Era mu nsi eyo mwalimu abasaadha abaakolanga obwamalaaya obw'omu isabo. Kale abantu ab'omu Buyudaaya baakolanga ebyenhinhalwa eby'abamaghanga agandi, Musengwa Katonda be yabinga mu nsi eyo ng'Abaisiraeli bali kumpi okugituukamu.

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 15:16

Memale olwo aghanga atya okwesiga omuntu omwonoonefu era atagasa, eyeededa ebyonoono ng'oti yeededa maadhi!”

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Zabbuli 10:13

Lwaki abakozi ab'ebibi banhooma Katonda, ni badhuuba bati Katonda taja kubabonereza?

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 10:6

Munda mule akoba ati: “Nzira kindhugumiza, tija kutuukaku kizibu kyonakyona ebyanda n'ebyanda.”

Zabbuli 88:1

Wo Musengwa Katonda wange, omusana nkulirira n'obwire naakweghemba oidhe ondokole.

Zabbuli 92:6

Omudoofu tasobola kumanha kino, n'omusiru taghanga kukitegeera,

Ezekieli 16:47

Aye tikyakumala kwebisa nga beene, oba okukola ebyenhinhalwa nga beene kuba ghaabitagho bwa kaseera katono, waayonooneka n'okubasinga mu byonabyona by'okola.

Ezekieli 16:51

“Ni muganda wo Samaria ebibi bye yakola tibyagheza waire ekitundu ekirala kiti ku bibi byo ng'obigabainiamu aghabiri. Bw'otoola ebyenhinhalwa Samaria bye yakola n'obigeza ku bibyo iwe bye wakola, Samaria aboneka ng'oti azira na kibi kye yakola, era ng'oti aziraku na musango.

Matayo 5:22

Aye nze mbakoba nti, buli muntu alikoba muganda we ati, ‘Raka,’ alisalirwa omusango mu mbuga ate oyo alikoba ati, ‘Musiru iwe’, alisalirwa omusango gwa kusuulibwa mu muliro gwa geyeena.”

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'Efeso 5:12

Kuba ebyo bye bakola mu ngiso bigemya ensoni n'okubyogeraku.

Amateeka Agokubiri 12:31

“Mutasinzanga Musengwa Katonda waimwe mu nsambo beene ye basinzaamu bakatonda baibwe, kuba bwe baba nga bali kusinza bakatonda baibwe, bakola buli kyenhinhasa Musengwa Katonda era ky'atayenderaku irala. Bookya n'abaana baibwe mu muliro, ng'emisengo eri bakatonda baibwe.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.