Zabbuli 52:8 - Baibuli Ekibono kya Katonda 2014

⁸ Aye nze ndi ng'oti n'omuti omwoliva omugimu, ogukulira mu ndhu ya Katonda. Nkakasa nga Katonda aidha kungonzanga obutalekera ebyanda n'ebyanda.

Zabbuli 52:8 Iomraidhean Croise

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 128:3

Mu maka go, mukazi wo aidha kubanga ng'oti n'omuzabbibu ogwama einho, ate abaana bo babenga oti miti emyoliva emito, nga beezungulwire ekiiwulo.

Zabbuli 13:5

Aye nze nkwesiga olw'okungonza einho, mu mwoyo gwange nsagamba kuba ndidhi ng'oidha kumponia.

Zabbuli 147:11

aye asangaalira abo bamutya, abo abasuubirira mu kugonza kwe okutakoma.

Zabbuli 33:18

Bona eno, Musengwa Katonda alabirira abo abamutya, era abo abasuubirira mu kugonza kwe okutakoma

Zabbuli 58:11

Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Yeremia 11:16

Ghaligho olundi lwe nabeetaku omuti omwoliva ogusagaatiriire amakaba n'ebibala ebiboneka obulungi einho. Aye buti ndidha kugusindikaku kiwunga ow'amaani alimu n'okutyabuka, agukunaanieku omuliro, ensaga dhaagwo dhisiriire.

Ab'e Roma 11:24

Oba nga iwe olusaga olw'omuti omwoliva ogw'omu nsiko, wawogolwa waateebwa ku muti omwoliva ogw'omu nimiro kw'otaatonderwa, memale ensaga edhaatonderwa ku muti ogwo tidhirisingagho kuba nhangu okwizibwa ku muti gwadho gwene?