Zabbuli 51:6 - Baibuli Ekibono kya Katonda 2014

⁶ Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Zabbuli 51:6 Iomraidhean Croise

2 Samueli 12:13

Agho Daudi yaakoba Nathani ati: “Nakola ekibi naasungughaza Musengwa Katonda.” Nathani yaamukoba ati: “Musengwa Katonda akusoniighe toidha kufa.

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Yobu 32:8

Aye omwoyo gwa Katonda oguli ku bantu, omuuka ogwo ogubateebwamu oyo Aghanga Ebintu Byonabyona, n'ogubagha okutegeera.

Yobu 38:36

Naani eyata mu bire amagezi ag'okugwisa amaadhi? Era naani eyagha olufu okutegeera ensambo ye lunaagwangamu?

Zabbuli 125:4

Wo Musengwa Katonda, kolera bukalamu abo abalungi n'abo abagondera ebiragiro byo.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 26:2

Wo Musengwa Katonda, neekebeedha era ondebe; lingirira omwoyo gwange n'ebidhuubo byange,

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Zabbuli 41:5

Abazigu bange baneeguguna, bandhogeraku bubi, bati: “Alifa li ni yeerabirwa?”

Zabbuli 5:9

Mu minwa gy'abazigu bange timuva kya mazima naire, mu myoyo gyaibwe benda bwa kuzikiriza. Ebibono byaibwe magombe geene, enimi dhaibwe badhoogeza bya buguya.

Ensambo 2:21

Abeesimbu n'abaja okuba beene nsi eno, era abeesigwa n'abaja okugisigalamu.

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:40

Ndikola nabo endagaano etaliwaagho. Tirirekeranga kubakolera birungi. Ndibaleetera okuntangamu ekitiisa n'omwoyo gwaibwe gwonagwona, babe nga tibakairayo kunvaaku.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Luka 11:39

Aye Musengwa yaamukoba ati: “Imwe Abafarisaayo, muja mwatukuza ku ngulu okw'ekikopo n'esowaani ate nga munda mwaimwe mwidhwire obukambuzi n'obubi.

Ab'e Roma 7:22

Mu mwoyo gwange nsangaalira eiteeka lya Katonda.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

1 Petero 3:4

Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”