Zabbuli 51:14 - Baibuli Ekibono kya Katonda 2014

¹⁴ Wonia obulamu bwange iwe Katonda wange ondokole, ndidha kukoberanga abantu obulungi bwo.

Zabbuli 51:14 Iomraidhean Croise

Amainhama 42:22

Reubeni yaabakoba ati: “Nze tinabakoba nti omwana mutamukolaku kabi, aye imwe ni muloba kuwulira? Mpegaano kye tuva tuli kubonerezebwa olw'okufa kwe.”

Amainhama 9:6

Omuntu yakolebwa mu mboneka ya Katonda: Kale ole bw'anaitanga omuntu, yeena aidhanga kwitibwa.

2 Samueli 12:9

Lwaki wanhooma ebiragiro bya Musengwa Katonda, n'okola ebibi y'ali? Waita Uria Omuhitti nga weeyambisa Abammoni, waatoola mukazi we waamufuula wuwo.

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Samueli 3:28

Daudi bwe yakimanha nga ghabiseeghooku ekiseera, yaakoba ati: “Nze n'abantu ab'omu bwakyabazinga bwange, tuziraku musango gwonagwona mu maiso ga Musengwa Katonda, olw'okufa kwa Abuneri mutabane wa Neri.

Ezera 9:13

Aye waire ng'ebyo byonabyona bitutuuseeku olw'ebikolwa byaife ebibi, n'olw'omusango omukologho ogutuliku, tubona nga iwe Katonda waife watugha ekibonerezo kitono inho ku ekyo ebibi byaife kye byali bigwaniire kuba watulekagho ife abaawonagho nga tuli bangi.

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Zabbuli 25:5

Ndagirira era ondhegerese okutambulira mu mazima go, kuba niiwe Katonda era omulokozi wange mwe nsuubirira buliidho.

Zabbuli 26:9

Otantwaliza ghalala n'aboonooni, oba okusaaniagho obulamu bwange aghalala n'abatemo,

Zabbuli 35:28

Olwo ndidha kulangiriranga nga bw'oli omutuufu, era nkusaakenga olunaku lwonalwona.

Zabbuli 38:22

Yangughaku okumbeera, iwe Musengwa Katonda era omulokozi wange.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 68:20

Katonda waife ni Katonda alokola, era Katonda waife ni Musengwa Katonda waife atuwonia okufa.

Zabbuli 88:1

Wo Musengwa Katonda wange, omusana nkulirira n'obwire naakweghemba oidhe ondokole.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Ezekieli 33:8

Bwe nkoba omuntu yeenayeena omukozi w'ebibi nti, ‘Iwe omubi, bwenebwene oidha kufa’, memale n'otayogera kumulabula akyuke aleke ebibi bye, omuntu oyo alifiira mu bibi bye. Aye omusango ogw'okufa kwe ndiguta ku iwe.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Habakkuku 3:18

nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

Ebikolwa by'Abatume 20:26

Kyenva mbakakasa olwaleero nti bweghabaagho alizikirira, tiguliba musango gwange.

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.