Zabbuli 51:13 - Baibuli Ekibono kya Katonda 2014

¹³ Olwo ndyegeresa abasobya y'oli baatambulira mu ngira yo, n'aboonooni baakyuka baira y'oli.

Zabbuli 51:13 Iomraidhean Croise

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 25:4

Wo Musengwa Katonda, mmanhisa bw'oyenda neebise, era ndhegeresa okutambula nga bw'oyenda ntambule.

Zabbuli 25:8

Olw'okuba Musengwa Katonda mulungi era nga mutuufu, kyava n'agalagira aboonooni engira.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Yeremia 31:18

Mpulira ab'omu Isiraeli abalira nga banakughaire, bati, ‘Wo Musengwa Katonda, twalinga ng'oti n'ensolo edhitafugibwangaku, aye iwe waatwegeresa okukugondera. Ganha otwize y'oli, kuba niiwe Musengwa Katonda waife.

Matayo 18:3

yaakoba ati: “Bwenebwene ka mbakobere okutoolaku nga mukyuse mwaba ng'oti baana bato, timughanga naire kwingira mu Bwakyabazinga bwa mu igulu.

Luka 22:32

Aye nze nkusabiire okwikiriza kwo kulobe kukendeera, era bw'okyukanga ogumyanga baganda bo.”

Ebikolwa by'Abatume 13:10

yaamukoba ati: “Iwe omwana wa Sitaani! Iwe aidhwire obuguya n'obukupankupania, omuzigu w'obutuukirivu bwonabwona! Tolirekera kugodagoda magira ga Musengwa amatereevu?

Ebikolwa by'Abatume 15:3

Agho ab'Ekikunsu eky'Abaikiriza mu Kurisito bwe baamala okubatuma, bano baabita mu Foenikia ni mu Samaria nga baja bainhonhola okukyuka kw'abamaghanga agandi ni baikiriza. Era kino kyasangaaza inho aboluganda.

Ebikolwa by'Abatume 3:19

Kale mwenenie, mukyuke memale ebibi byaimwe bisoniyibwe.