Zabbuli 51:11 - Baibuli Ekibono kya Katonda 2014

¹¹ Otansuula ere kuva gh'oli, era otantoolaku mwoyo gwo omutukuvu.

Zabbuli 51:11 Iomraidhean Croise

Amainhama 4:14

Olwaleero ominze ku itaka lino era ni mu maiso go. Ndidhanga kutambulatambula eyo ntyo nga nzira ghe nsula, era kiisi anandhagaananga, ng'andhita bwite.”

Amainhama 6:3

Agho Musengwa Katonda yaakoba ati: “Omwoyo gwange tigwidha kusigalanga mu muntu byanda na byanda, kuba omuntu mubiri bubiri ogufa enaku edh'obulamu bwe tidhija kuswikanga myaka kikumi n'abiri (120) .”

2 Samueli 7:15

Aye tija kukomya kumugonzanga, nga bwe nakomya okugonza Saulo, ye natoolagho memale iwe oiregho.

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

2 Bakyabazinga 23:27

Musengwa Katonda yaakoba ati: “Ndidha kubinga Buyudaaya mu maiso gange, ng'oti bwe nabinga Isiraeli. Ndidha kulekulira agho ekibuga kino Yerusalemu kye nalondamu, era ndekulire agho n'eisinzizo lye nakoba nti mwe banansinzizanga.”

2 Bakyabazinga 24:20

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Zabbuli 43:2

Iwe Katonda wange niiwe ye neesiga, kale lwaki onsuuliriire? Lwaki ondekera abazigu okundiza amaziga nga bandaazadaaza?

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Zabbuli 71:9

Ni bwendikairigha otansuula ere; otandekulira agho ng'ate amaani gampweire.

Yeremia 7:15

Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Luka 11:13

Kale oba imwe, ababi, mwidhi okugha abaana baimwe ebirabo ebirungi, memale Lata waimwe ow'omu igulu! Talisingagho inho okugha Mwoyo Mutukuvu ababa bamusabye?”

Yoanne 14:26

Aye omubeezi, Mwoyo Mutukuvu, Lata y'alituma mu liina lyange, alibeegeresa ebintu byonabyona, yaabaidhusa byonabyona bye nabakoba.

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Ab'e Roma 8:9

Aye oba nga bwene Mwoyo wa Katonda ali mu imwe timufugibwa mubiri aye mufugibwa Mwoyo. Kiisi azira Mwoyo wa Kurisito ti wa Kurisito.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

Abalamuzi 13:25

Omwoyo gwa Musengwa Katonda gwatoolera okumugha amaani ng'ali ghagati gh'e Zora n'e Eshitaolo mu Mahanehedani.

Abalamuzi 15:14

Bwe baamutuusa e Lehi, Abafilisiti baalumuka okuja y'ali nga baleekaana. Agho omwoyo gwa Musengwa Katonda gwamwidhaku n'amaani, emigugha egyali gimusibye amakono gyakutuka ng'oti n'ewuuzi edhookeibwa omuliro, n'ebifundwa ebyali bimusibye ku ngalo byalekula.

Abalamuzi 16:20

Era yaamukoba ati: “Samusoni, Abafilisiti bakugwireku!” Samusoni yaasitukagho mu ndoolo, yaakoba mule ati: “Ndidha kubeenhunhunkuzaaku nje, nga bwe mbairenga nkola ku mikuzi gire egindi.” Yali taidhi nga Musengwa Katonda amulekuliire agho.

1 Samueli 10:10

Agho Saulo n'omugheereza we bwe baatuuka ku lusozi lwa Katonda, ekikunsu ky'abalanzi kyayagaanana nabo. Omwoyo gwa Katonda gwamwidhaku n'amaani mangi, era yaalanga ghalala nabo.

1 Samueli 16:14

Agho omwoyo gwa Musengwa Katonda gwava ku Saulo. Era Musengwa Katonda oyo yaasindika omuzimu omubi gwadaazadaaza Saulo ebitaloodheka.