Zabbuli 50:2 - Baibuli Ekibono kya Katonda 2014

² Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 50:2 Iomraidhean Croise

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Zabbuli 48:3

Katonda ayoleike nga mwene n'omukuumi w'ekibuga ekyo.

Zabbuli 68:24

Abantu boonaboona babona nga bw'otambula n'ekitiisa iwe Katonda, otambula iwe Katonda wange era kyabazinga wange, ng'oingira mu kifo kyo ekitukuvu.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 80:17

Aye kuuma abantu bo be weerondera, olabirire eighanga lye wafuula ery'amaani.

Zabbuli 80:2

weeyolekere abantu ba Efuraimu, n'aba Benjamini, n'aba Manasse. Situka n'amaani go oidhe otulokole.

Zabbuli 94:1

Wo Musengwa Katonda, niiwe Katonda abonereza nga weesasuuza, idha oyoleke obusungu bwo.

Olwembo 5:16

By'ayogera biwooma okuwulirisa, era yeenayeena nga bw'ali ansanhusa. Imwe abaghala ab'e Yerusalemu, atyo bw'ali omugonzi, era oyo ni mukagwa wange.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Habakkuku 2:20

Aye Musengwa Katonda ali mu isinzizo lye eitukuvu ensi dhoonadhoona ka dhisirike mu maiso ge.

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Okwolekebwa 1:16

Mu mukono gwe omusaadha, yali agemye emuunienie musanvu. Mu munwa gwe mwavaamu empiima eri n'obwogi ku ndhuyi dhaayo dhombi. Mu maiso ge ng'ali ng'oti ndhuba nga erikwaka inho.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.