Zabbuli 5:11 - Baibuli Ekibono kya Katonda 2014

¹¹ Aye abo abakwesiga balisagamba era baayemba olw'eisanhu. Bakuumenga abo abakugonza kuba basangaavu inho olw'okuba iwe;

Zabbuli 5:11 Iomraidhean Croise

Yobu 38:7

Nga buli kukya ku lunaku olwo, emuunienie edh'oku nkyo dhaayembera ghalala, n'ab'omu igulu baakuba emizira.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 35:27

Aye abo abasangaala okumbona nga nziraku musango, ka bakube emizira nga basagamba. Era baatule emikuzi kamaala nga Musengwa Katonda bw'ali omukologho era nga bw'asangaala buli mugheereza we lw'aba obukalamu.

Zabbuli 40:16

Aye abo boonaboona abeefubiriza okwidha y'oli, ka basagambe era basangaale olw'ebyo by'obakolera; n'abo abeegomba obulokozi bwo, ka bakobenga buliidho bati: “Musengwa Katonda mukologho.”

Zabbuli 58:10

Abatuufu balisagamba okubona nga Katonda abonereiza aboonooni; balityankirira omusaayi ogw'ababi.

Zabbuli 65:13

Ebifo ebyayirwamu biidhwire byayo; ebiiko biidhwire misiri gya mere, nga byonabyona byemba era nga bwe bikuba emizira.

Zabbuli 68:3

Aye abatuufu ka basangaale, basagambire mu maiso ga Katonda; ka basanhuke nga bakuba emizira.

Zabbuli 69:36

Biribanga bya nsikirano mu baana b'abantu be, n'abo abamugonza omwo mwe balibanga.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

1 Ab'e Korintho 2:9

Aye nga bwe kyaghandiikibwa: “Katonda kye yategekera abo abamugonza, ghazira muntu yaali akiboineku waire okukiwuliraku, oba eyaali alowooziizaaku nga kisobola okubaagho.”

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.