Zabbuli 49:10 - Baibuli Ekibono kya Katonda 2014

¹⁰ Bwenebwene tubona nga n'abagezi bafa, era nga n'abasiru ghalala n'abadoofu bawaagho, obukombe bwaibwe baabulekera bantu bandi.

Zabbuli 49:10 Iomraidhean Croise

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 49:17

kuba bw'alifa ghazira ky'aja kuja nakyo, oba ebitiibwa bye okumunonereza mu magombe.

Zabbuli 73:22

Nali musiru era nga nzira kye ndidhi, nga y'oli neebisa ng'oti ndi nsolo busolo.

Zabbuli 89:49

Musengwa Katonda, okugonza kwo okutakoma okw'eira kwalaga gha? Ebyo bye wasuubiza Daudi byaja gha?

Zabbuli 94:8

Mulitegeera li imwe abadoofu abasembayo? Mulibaamuuku li ku magezi imwe abasiru?

Ensambo 11:4

Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Ensambo 12:1

Oyo asangaalira okugalagirwa aba ayenda okumanha, aye akyagha okunenezebwa aba ng'oti nsolo busolo.

Ensambo 14:24

Amagezi galeetera abagezi okuba abakombe, aye abasiru basirughala busirughale.

Ensambo 30:2

“Bwenebwene ndi ng'oti nsolo busolo, nziramu kutegeera kwa buntu.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,