Zabbuli 47:1 - Baibuli Ekibono kya Katonda 2014

¹ Abantu mwenamwena mukube mu ngalo! Mukubire Katonda emizira, mumwembere n'enhembo edh'eisanhu.

Zabbuli 47:1 Iomraidhean Croise

2 Samueli 6:15

Kale atyo Daudi n'Abaisiraeli boonaboona baaleeta Esanduuku ya Musengwa Katonda nga bali kukuba emizira, eno nga bwe bafuuwa n'endeka.

2 Bakyabazinga 11:12

Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

2 Ebyomubyanda 13:15

Abayudaaya baaleekaana okuleekaana okw'omu lutalo, era bwe baaleekaana einho batyo, Katonda yaaghangula Yeroboamu n'Abaisiraeli boonaboona, mu maiso ga Abiya n'ag'Abayudaaya.

Zabbuli 106:47

Wo Musengwa Katonda waife kola otuwonie, otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.

Zabbuli 42:1

Ng'empongo bweyeegomba okutuuka ku mwiga ogw'amaadhi amainhogovu, zeena ntyo bweneegomba okutuuka gh'oli, iwe Katonda wange.

Zabbuli 46:1

Katonda n'omukuumi waife, era oyo n'amaani gaife, buliidho abaagho era nga mwetegefu okutubeera nga tuli mu buzibu.

Zabbuli 47:5

Katonda ajiire ghaigulu, abantu baakuba emizira era baafuuwa endeka.

Zabbuli 98:4

Abantu mwenamwena ab'oku nsi mukubire Musengwa Katonda emizira; mutimbuke mu mwembere enhembo edh'eisanhu edhisaaka!

Zabbuli 98:8

Omwidhuzo gw'amaadhi ka gukube mu ngalo; n'ensozi dhembere ghalala n'eisanhu mu maiso ga Musengwa Katonda,

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Zefania 3:14

Imwe Abaisiraeli, mwembe era mukube n'emizira. Imwe ab'e Yerusalemu, musangaale era musagambe n'omwoyo gwaimwe gwonagwona.

Zekaria 4:7

Ebizibu ebiri ng'oti nsozi ndeeyiriri birivaagho ghaaba ng'oti museetwe. Oliiramu okuzimba obuyaaka eisinzizo, era bw'oliba otaaku eibaale erisembayo, abantu balyasiikana bati, ‘Liboneka bulungi, obulungi bwenebwene!’ ”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”