Zabbuli 45:7 - Baibuli Ekibono kya Katonda 2014

⁷ Ogonza ebikolwa ebituufu, waakyagha ebikolwa ebibi. Kyova Katonda, Katonda Oyo owuwo, yakusiiga omuzigo mu isanhu okusinga abantu abandi boonaboona.

Zabbuli 45:7 Iomraidhean Croise

1 Bakyabazinga 19:16

osiige ni Yehu mutabane wa Nimushi abe kyabazinga wa Isiraeli, era osiige ni Elisha mutabane wa Shafati ow'e Abeli Mehola abe omulanzi mu kifo kyo.

Zabbuli 101:8

Buli lunaku ndidha kuzikirizanga abakozi b'ebibi mu nsi, ndekeze ababi okubanga mu kibuga kya Musengwa Katonda.

Zabbuli 11:7

Musengwa Katonda mutuufu era agonza ebikolwa eby'obutuufu. Abo abagondera ebiragiro bye n'abanaabanga mu maiso ge nga bamubona.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 21:6

Bwenebwene omugha enkabi ebyanda n'ebyanda era musangaavu inho olw'okuba oli naye.

Zabbuli 33:5

Ayenda abo abakola ebituufu n'abo abatasaliriza; okugonza kwa Musengwa Katonda eri abantu tikukoma.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Zabbuli 89:26

Daudi oyo aidha kundhetanga ati, ‘Niiwe Lata era niiwe Katonda wange; niiwe onkuuma era niiwe ondokola.’

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Abalevi 8:12

Yaasiiga Aaroni omuzigo ku mutwe okumwawula.

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Matayo 7:23

Agho ni ndibaatulira nti: tibaidhi naire, munve mu maiso imwe abadheemu.

Luka 13:27

Aye alibakoba ati, ‘Nze tibaidhi, tiidhi ye muva! Munve ni mu maiso imwe abakozi ab'ebibi.’

Luka 3:22

Mwoyo Mutukuvu yaika ng'afaanana oti njiibwa yaamwikaku, ate eiroboozi lyaidha okuva mu igulu lyakoba liti: “Niiwe mutabane wange omugonzi, nkwesiimiramu inho.”

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 2:28

Wandhegeresa engira edh'obulamu, ndisangaala nga nkuli mu maiso.’

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Abaheburayi 1:9

Ogonza obutuufu waakyagha obudheemu Katonda wo kyeyava akulonda era n'akugha okusangaalira mu kitiisa okusinga baino boonaboona.”

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.